मंगळवेढा टाइम्स न्युज नेटवर्किंग ।
होळीचा सण पार पडला की उन्हाळ्याची तीव्रता जाणवायला सुरुवात होते, असे ज्येष्ठ नागरिक आणि वयोवृद्ध सांगत असतात. त्याचनुसार आता उन्हाच्या झळा बसायला सुरुवात झाली असून मार्च महिन्याच्या दुसऱ्याच आठवड्यात अनेक जिल्ह्यात सूर्य कोपल्याचं दिसून येतं.
विदर्भाने तापमानाने चाळीसी पार केली असून पुणे, सोलापूरातही तापमानाचा पार चढला आहे. एकीकडे 10 वी, 12 वीच्या विद्यार्थ्यांच्या परीक्षा संपल्या असून शालेय विद्यार्थ्यांच्या परीक्षांना सुरुवात होत आहे.
त्याच पार्श्वभूमीवर विदर्भातील उन्हाचा पारा लक्षात घेता, बुलढाण्यातील अधिकाऱ्यांनी महत्त्वाचा निर्णय घेतला आहे. त्यानुसार, आता जिल्हा परिषदेच्या शाळा सकाळच्या सत्रात भरवण्यात येणार आहेत.
उन्हाच्या तडाख्यापासून बवाच आणि विद्यार्थ्यांच्या आरोग्याच्या दृष्टीने जिल्हा बुलढाणा परिषदेच्या मुख्य कार्यपालन अधिकाऱ्यांनी शाळेच्या वेळेसंदर्भात आदेश काढले आहेत. विदर्भात उन्हाचा तडाखा वाढतच असून बुलढाणा जिल्ह्याचे तापमान ही वाढतच आहे.
जिल्ह्याचे तापमान 39 डिग्री सेल्सिअसवर पोहोचले असून या तापमानाचा परिणाम आता जिल्हा परिषद शाळेवरही होत आहे. विद्यार्थ्यांना तापमानाचा कोणताही त्रास होऊ नये, म्हणून बुलढाणा जिल्हा परिषदेच्या शाळा सकाळच्या सत्रात भरवण्याचे आदेश जिल्हा परिषदेच्या मुख्य कार्यपालन अधिकाऱ्यांनी दिले आहेत.
जिल्हा परिषद अधिकाऱ्यांच्या सूचनेनुसार आता, शाळा नियमितपणे सकाळी 7 ते 11.30 वाजेपर्यंत भरतील. तर शाळेत पुरेसा पाणीसाठी ठेवण्याच्या सूचना सुद्धा प्रत्येक गट शिक्षणाधिकारी यांना देण्यात आल्या आहेत.
परभणीचे तापमान 38 अंशावर
परभणी जिल्ह्यात गेल्या आठवडाभरापासून उष्णतेची तीव्रता वाढत असून तापमान सातत्याने 37 अंशांच्या पुढे जात आहे. आज जिल्ह्याचे कमाल तापमान 38.04 अंश सेल्सिअस इतके नोंदवले गेले असून उकाड्यामुळे नागरिक त्रस्त झाले आहेत. दुपारच्या वेळेत उन्हाची तीव्रता अधिक जाणवत असल्याने रस्त्यांवरची वर्दळ कमी होताना दिसत आहे.
वाढत्या तापमानामुळे बाजारपेठा, चौक आणि सार्वजनिक ठिकाणी नागरिक सावलीचा आसरा घेताना दिसत आहेत. हवामान तज्ज्ञांच्या मते, मार्च महिन्याच्या सुरुवातीलाच तापमानात वाढ झाल्याने पुढील काही दिवसांत उष्णतेची लाट अधिक तीव्र होण्याची शक्यता आहे.
त्यामुळे नागरिकांनी शक्यतो दुपारच्या वेळेत बाहेर पडणे टाळावे, भरपूर पाणी पिणे आणि उष्णतेपासून बचाव करण्याच्या उपाययोजना कराव्यात, असे आवाहन करण्यात येत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
