मंगळवेढा : समाधान फुगारे
जिल्हाधिकारी डॉ .राजेंद्र भोसले व तालुक्यातील छावणी चालकांची बैठक होवून अदयाप नैसर्गिक चारा उपलब्ध न झाल्याने व भूगर्भात पाणी पातळी न वाढल्याने दि . १५ ऑक्टोबरपर्यंत छावण्यांना व पाणी टँकरना मुदतवाढ देण्याचा निर्णय झाल्याने जनावरांच्या चान्याचा व पिण्याच्या पाण्याचा प्रश्न तूर्त मार्गी लागल्याने पशुपालक व तहानलेल्या नागरिकांना दिलासा मिळाला आहे.
मंगळवेढा तालुक्याची पावसाची सरासरी ५५० मि . लि . इतकी आहे . जून ते सप्टेंबर अखेर सरासरीच्या निम्माही पाऊस न झाल्याने तालुक्यात अदयापही दुष्काळसदृश्य परिस्थिती आहे . जिल्हाधिकारी डॉ . राजेंद्र भोसले यांनी मंगळवेढयात चारा छावणी चालकांची बैठक घेवून चारा उपलब्धतेबाबत छावणीचालकांकडून मते जाणून घेतली . सर्व छावणीचालकांकडून चारा उपलब्ध नसल्याचा सूर एकवटल्याने छावण्यांना दि . १५ ऑक्टोबरपर्यंत मुदतवाढ देण्याचा निर्णय झाला.
चाऱ्याप्रमाणे पाणी टंचाईची भिषणता अदयापही तालुक्यात कायम आहे . आत्तापर्यंत तालुक्यात मुसळधार पाऊस न पडल्याने भूगर्भातील पाणी पातळी बिलकूल वाढ झाली नाही . गतवर्षीचा दुष्काळ यंदाही पावसाने दिलेली ओढ यामुळे पाण्याची पातळी ४९ अंदाजे ७०० ते ८०० फुट खालावल्याचा प्राथमिक अंदाज आहे . यामुळे पाणी टंचाईशी सामना येथील नागरिकांना अदयापही करावा लागतो आहे .
४४ गावातून ४९ टॅकरव्दारे ७७ हजार २४५ लोकसंख्येला पाणी पुरवठा सध्या होत आहे . यामध्ये ४७७ वाडयावस्त्यांचाही समावेश आहे . तालुक्यात सध्या ४९ छावण्या कार्यरत असून यामध्ये २५ हजार २९० जनावरे आहेत . मागील आठवडयात हलका पाऊस झाल्याने जवळपास १२ छावण्या स्वयंप्रेरणेने बंद झाल्या आहेत . चारा छावणीची मुदत शासनाने ३० सप्टेंबर अखेर ठेवली होती . या पार्श्वभूमीवर तलाठी , ग्रामसेवक , पशुधन विकास अधिकारी , कृषी अधिकारी यांच्या संयुक्त पथकाकडून तालुक्यातील चान्याची उपलब्धतेबाबत पाहणी करून महसूल प्रशासनाने अहवाल मागविला होता .
या पाहणी दरम्यान चारा टंचाई असल्याचेही निदर्शनास आले होते . चारा छावण्याचा प्रश्न मार्गी लावण्यासाठी जिल्हाधिकाऱ्यांनी मंगळवेढयास भेट देवून १५ दिवसाची मुदतवाढ दिली आहे . या बैठकीला तहसीलदार स्वप्नील रावडे , जिल्हा कृषी अधिकारी बिराजदार यांचेसह तालुक्यातील सर्व छावणीचालक मोठया संख्येने उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज