मंगळवेढा टाईम्स वृत्तसेवा:-
पंढरपूर-मंगळवेढा विधानसभा मतदार संघातून शिवसेना महिला आघाडीच्या जिल्हाप्रमुख शैला गोडसे शिवसेना पक्षाकडून विधानसभा निवडणूक लढविण्यासाठी इच्छुक आहेत. राज्यात सर्वत्र महायुतीचा बोलबाला आहे. तसेच महायुतीची सत्ताही येणार असल्याचीच चिन्हे सध्यातरी दिसत आहेत. पंढरपूर-मंगळवेढा विधानसभा मतदार संघ हा युतीच्या जागावाटपात आत्तापर्यंत सेनेच्या वाट्याला आहे. अशातच शैला गोडसे यांना शिवसेनेचे तिकीट मिळण्याचा मार्ग सुकर झाल्याचे सध्यातरी दिसत आहे.
बुधवारी शिवसेनेच्या वतीने मुंबई येथे सेना भवनात इच्छुक उमेदवारांच्या मुलाखती घेण्यात आल्या.आणि या मुलाखतींना पंढरपूर-मंगळवेढा विधानसभा मतदार संघातून शैला गोडसे या एकमेव हजर होत्या.शैला गोडसे यांनी पंढरपूर-मंगळवेढा विधानसभा मतदार संघातून शिवसेनेच्या तिकिटाची मागणी केली आहे.
सध्यातरी या विधानसभा मतदारसंघातून शिवसेनेच्या वतीने शैला गोडसे यांचे नाव आघाडीवर आहे. गत महिन्यात मंगळवेढा येथे भव्य असा शेतकरी मेळावा आयोजित करण्यात आला होता. या शेतकरी मेळाव्यात राज्याचे जलसंधारण मंत्री ना. तानाजी सावंत यांनी शैला गोडसे यांना तयारीला लागण्याचे आदेश दिले आहेत.
ना.तानाजी सावंत यांचे आदेश म्हणजे निम्मी उमेदवारी मिळाले सारखेच आहेत कारण सोलापूर व धाराशिव या दोन जिल्ह्यातील शिवसेनेचे तिकीट वाटप ना. सावंत यांना विश्वासात घेऊनच होणार आहे. मुळात शैला गोडसे यांचा शिवसेना प्रवेश ना. सावंत यांच्या माध्यमातून झाला असून शैला गोडसे यांच्या पाठीमागे आजपर्यंत ना. सावंत यांनी मोठी ताकद उभी केली आहे.
गेल्या दोन वर्षापासून मंगळवेढा व पंढरपूर या दोन तालुक्यातील विविध प्रश्नांवर आवाज उठवित शैला गोडसे यांनी या मतदारसंघातून निवडणूक लढविण्यासाठी रणशिंग फुंकले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज