मंगळवेढा टाईम्स न्यूज नेटवर्क ।
मंगळवेढा तालुक्यातील भोसे ग्रामपंचायत सदस्य सौ. सखुबाई बाजीराव नागणे यांचे सदस्यत्व रद्द करणेबाबत मंगळवेढा दिवाणी न्यायालयाने दिलेला निर्णय मुंबई उच्च न्यायालयाचे न्यायमुर्ती एन.आर. बोरकर यांनी नागणे यांची याचिका फेटाळून लावत मंगळवेढा न्यायालयाचा निर्णय कायम केलेला आहे.
यातील सविस्तर वृत्त असे भोसे ग्रामपंचायतीची सार्वत्रिक निवडणुक सन २०२०-२१ मध्ये जाहीर झाली होती. सदर निवडणुकीमध्ये प्रभाग क्रं. १ मध्ये सौ.भाग्यश्री महादेव गायकवाड, सखुबाई बाजीराव नागणे, सुवर्णा आप्पास निकम यांनी सर्वसाधारण महिला या जागेकरीता अर्ज भरला होता.
सदर निवडणुकीत सखुबाई बाजीराव नागणे यांनी भाग्यश्री महादेव गायकवाड यांच्याकडे शौचालय नाही असा बनावट स्वरुपाचा दाखला घेवून भाग्यश्री गायकवाड यांचे अर्जावर हरकत घेतली होती
व सोबत अर्जदाराकडे शौचालय नाही असा बनावट व खोटा दाखला तयार करून दाखल करण्यात आला. परंतु महाराष्ट्र शासन ग्रामविभाग, शासन निर्णय के. आर. टी. एस. २०१८ प्र. के १४५ / आस्था ५ दि. १३ फेब्रुवारी २०१९ या परीपत्रकाव्दारे दाखला देणे बंद केलेले आहे, याची माहिती व जाणीव असताना देखील
तसेच अर्जदाराने स्वतःचे प्रतिज्ञापत्र अर्जासोबत दाखल केलेले असताना देखील तत्कालीन निवडणुक निर्णय अधिकारी श्री.खेताडे यांनी भाग्यश्री गायकवाड यांचा अर्ज अवैध ठरविलेला होता.
ग्रामपंचायत निवडणुकी दरम्यान सदर बनावट दाखले केल्यामुळे निवडणुक अर्ज अवैध ठरविल्याचे प्रकरण संपुर्ण तालुक्यात चर्चेचा विषय झाला होता.
त्यानंतर सौ. गायकवाड यांनी मुंबई उच्च न्यायालयात धाव घेतली होती. मुंबई उच्च न्यायालयाने सदर प्रकरणी दिवाणी न्यायालयात दाद मागण्याबाबत आदेश केला होता,
तसेच प्रभारी ग्रामसेवक दत्तात्रय इंगोले यांनी आपण सदरचे दाखला दिले नसल्याचा अहवाल जिल्हाधिकारी यांचेकडे सादर केला होता, त्यामुळे इंगोले यांच्या स्वाक्षरीचे बोगस दाखले दाखल केलेल्या उमेन्दारावर गुन्हे दाखल करण्याबाबत आदेश करण्यात आला होता.
सदर कामी भाग्यश्री गायकवाड यांनी दिवाणी न्यायालय, मंगळवेढा येथे भोसे ग्रामपंचायत अर्जदाराचे नामनिर्देशनपत्र नामंजूर केल्याचा निर्णय रद्द करणेबाबत याचीका दाखल केली होती. सदर याचीकेवर सुनावणी घेण्यात आली.
सुनावणी दरम्यान सौ गायकवाड यांचेकडे शौचालय असलेबाबत सर्व कागदपत्रे न्यायालयासमोर हजर केले तसेच सदर कामी दोन्ही बाजुकडील तसेच विद्यमान ग्रामसेवकांच्या साक्ष नोंदविण्यात आली.
सदर सुनावणी दरम्यान सखुबाई बाजीराव नागणे यांनी हरकत अर्जासोबत बनावट व बोगस दाखले दिल्याचे सिद्ध झाल्याने मंगळवेढा न्यायालयाचे न्यायाधिश श्रीमती गंगवाल शहा यांनी सदर प्रकरणी भोसे ग्रामपंचायतीच्या निवडणुकीतील निवडणुक निर्णय अधिकारी यांचा आदेश अयोग्य असल्याचे जाहीर करुन सखुबाई बाजीराव नागणे यांची ग्रामपंचायत पदी झालेली निवड रद्द करणेचा आदेश केला होता.
सदर आदेशाविरुद्ध सखुबाई नागणे यांनी मुंबई उच्च न्यायालयात अपील दाखल केले होते. सदर अपीलाचे कामी सुनावणी होवून मुंबई उच्च न्यायालयाने मंगळवेढा न्यायालयाने सदर प्रकरणी नोंदविलेले पुरावे योग्य असल्याचे मत नोंदवून
मंगळवेढा येथील दिवाणी न्यायालयाने दिलेला निर्णय कायम करुन सखुबाई नागणे यांनी दाखल केलेली याचीका फेटाळून लावली. याकामी मुंबई उच्च न्यायालयात सौ. गायकवाड यांचेवतीने अॅड. सारंग आराध्ये व अँड. गौरी वेलणकर, अॅड. एम. डी. गायकवाड यांनी काम पाहिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
