मंगळवेढा टाईम्स न्युज नेटवर्क ।
भारत आणि पाकिस्तानमध्ये शस्त्रसंधी जाहीर झाली असली तरी दोन्ही देशांमधील तणाव अद्याप मावळलेला नाही. दुसरीकडे ऑपरेशन सिंदूर सुरुच असल्याची अधिकृत घोषणा भारता कडून करण्यात आली आहे.
परिणामी, पहलगाम दहशतवादी हल्ल्यानंतर भारतानं दहशतवादी आणि त्यांच्या समर्थकांविरुद्धची मोहीम अधिक तीव्र केली आहे.
अशातच जगभरातील अनेक देशांनी दहशतवादाविरुद्धच्या या लढ्यात भारताला भक्कम साथ दिली असताना आता आणखी एका देशाने भारताला जाहीर पाठिंबा देत मोठं आश्वासन दिलं आहे.
युद्ध झालंच तर बलुच सैन्याचा मास्टरप्लॅन, पाकिस्तानला घेरणार
बलुचिस्तानच्या बलुचिस्तान लिबरेशन आर्मीने (BLA) पाकिस्तान विरोधातील या लढ्यात भारताला पाठिंबा जाहीर केला आहे. बलुचिस्तानला पाकिस्तानपासून मुक्त करण्यासाठी बीएलए बऱ्याच काळापासून लढा देत आहे. या संदर्भात, लष्कर आजकाल पाकिस्तानी लष्कराच्या तळांना लक्ष्य करत आहे.
दरम्यान, बलुचिस्तान लिबरेशन आर्मीने पाकिस्तानकडून भारताला पाठिंबा जाहीर केला आहे. बलुचिस्तान लिबरेशन आर्मी (बीएलए) ने पाकिस्तानी सैन्यावर मिळेल त्या मार्गाने अडचणीत आणण्याचा प्रयत्न केला आहे. ज्या अंतर्गत बीएलएकडून पाकिस्तानी लष्करी तळांना लक्ष्य केले जात आहे.
दरम्यान, रविवारी बीएलएने भारताला पाठिंबा देण्याची घोषणा केली आहे. तसेच, बीएलएने म्हटले आहे की जर भारताने पाकिस्तानविरुद्ध निर्णायक कारवाई केली तर बीएलए त्याच्या पाठीशी उभे राहील.
BLA म्हणाला, तर आम्ही पश्चिम पाकिस्तानमधून हल्ला करू
बीएलएने भारताला पाठिंबा जाहीर करणारे निवेदन जारी केले आहे. बीएलएने एका निवेदनात म्हटले आहे की जर भारताने पाकिस्तानविरुद्ध निर्णायक कारवाई केली तर बीएलए त्याच्या पाठीशी उभे राहील.
अशा परिस्थितीत ते पश्चिम सीमेवरून पाकिस्तानवर हल्ला करतील असेही बीएलएने म्हटले आहे. बीएलएने पुढे म्हटले आहे की, आम्ही भारताच्या या कृतीचे केवळ स्वागतच करणार नाही, तर त्याच्या लष्करी ताकद म्हणूनही त्याच्यासोबत उभे राहू.
भारत-पाक तणावाच्या दोन दिवसांत नेमकं काय घडलं?
अमेरिकेचे उपाध्यक्ष जेडी व्हान्स यांनी भारत-पाक तणावात आमचा काय संबंध असं वक्तव्य 9 मे रोजी केलं होतं. पण काही तासांतच जेडी व्हान्स यांनी भूमिका बदलत संघर्षात लक्ष घातलं. व्हान्स, परराष्ट्रमंत्री रुबिया मार्को आणि व्हाईट हाऊसच्या चीफ ऑफ स्टाफ सुसी विलेस यांच्या बैठका झाल्या. अमेरिकेच्या गुप्तचर संस्थांचे संघर्षासंबंधी धोकादायक इनपुट त्यांच्या हाती आले होते.
व्हान्स यांच्याकडून ट्रम्प यांना शस्त्रसंधीच्या प्लॅनची माहिती देण्यात आली. ट्रम्पसोबतच्या चर्चेनंतर व्हान्स यांचा भारत आणि पाकिस्तानच्या पंतप्रधानांना फोन झाला.दुसऱ्या दिवशी म्हणजे 10 मे रोजी पाकिस्तानचे पंतप्रधान शरीफ यांनी अण्वस्त्र सांभाळणाऱ्या नॅशनल कमांड ऑथरिटीची बैठक बोलावली.
नॅशनल कमांड ऑथरिटीकडे पाकिस्तानच्या अणवस्त्र वापरण्याचे अधिकार आहेत. त्यामुळे दोन्ही देशांत अण्वस्त्रयुद्ध सुरु होऊ शकतं अशी व्हान्स आणि रुबिओंना भीती होती. पाकनं 400 ड्रोन्सचा हल्ला आणि भारताचे प्रत्युत्तर यामुळं व्हान्स आणि रुबिओ चिंतीत होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
