टीम मंगळवेढा टाईम्स ।
भांडणे सोडविण्यास गेलेल्या तरुणावर हल्ला केल्याने त्याचा उपचारादरम्यान मृत्यू झाला असून तिघाविरुध्द खुनाचा गुन्हा दाखल केल्याची धक्कादायक घटना मंगळवेढा तालुक्यात घडली आहे.
मुढवी येथे कुटूंबातील नातेवाईकांची भांडणे सुरु असल्याने ते सोडविण्यास गेलेल्या एका 35 वर्षीय तरुणाच्या डोक्यात लाकडी दांडक्याने मारल्याने ते जखमी होवून उपचारादरम्यान मयत झाल्याने सुभाष आण्णा सरवदे, सिध्दार्थ सुभाष सरवदे, वैशाली सुभाष सरवदे या तिघाविरुध्द खूनाचा गुन्हा दाखल झाला आहे.
पोलीस सुत्रांनी दिलेली माहिती अशी, मुढवी येथे दि.26 ऑगस्ट रोजी रात्री 8 च्या दरम्यान फिर्यादी चमेली जितेंद्र सरवदे (वय 30 वर्षे) हिचे सासरे बाबासाहेब व चुलत दिर सुभाष आण्णा सरवदे याची पत्नी वैशाली सुभाष सरवदे,
त्यांचा मुलगा सिध्दार्थ सुभाष सरवदे यांचेत शिवीगाळी करणेवरुन भांडणे सुरु असताना फिर्यादीचा पती तथा मयत जितेंद्र बाबासाहेब सरवदे (वय 35) हे भांडणे सोडविण्याससाठी गेले असता त्यांना वरील आरोपींनी
लाकडी दांडक्याने डोकीत पाठीमागील बाजूस जोरात मारल्याने ते कट्टयावरुन सिमेंट ब्लॉकवर पडले. त्यावेळी महिला आरोपी वैशाली हिने विटेचे सहाय्याने डोकीत,खांद्यावर मारल्याने ते गंभीर जखमी झाले. त्यांना उपचाराकरिता सोलापूर सिव्हील हॉस्पिटलमध्ये दाखल केले,
मात्र उपचारादरम्यान दि.30 ऑगस्ट रोजी रात्री 12:40 वाजता ते मयत झाले असल्याचे दिलेल्या फिर्यादीत म्हटले आहे. आरोपी विरुध्द भादंवि 302,324,504, 34 प्रमाणे गुन्हा दाखल झाला असून याचा अधिक तपास पोलीस करीत आहेत.
दरम्यान घटनास्थळी प्रशिक्षणार्थी पोलीस अधिकारी नयोमी साटम, डी.वाय.एस.पी. विक्रम गायकवाड यांनी तात्काळ भेट घेवून या घटनेमागची कारणमिमांसा जाणून घेतली. या घटनेचा अधिक तपास सहाय्यक पोलीस निरीक्षक बापूसाहेब पिंगळे करीत आहेत.
महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
