मंगळवेढा टाईम्स न्युज नेटवर्क ।
गोणेवाडी येथील श्री सिद्धनाथ अर्बन महिला क्रेडिट सोसायटी लि., गोणेवाडी या पतसंस्थेच्या संचालक मंडळाची निवड नुकतीच बिनविरोध पार पडली. संस्थेच्या चेअरमनपदी दिपाली शिवाजी हजारे तर व्हाइस चेअरमनपदी रुक्मिणी तानाजी चव्हाण यांची एकमताने निवड करण्यात आली.
यावेळी संचालक म्हणून रंजना मनोहर मारकड, सृष्टी संदीप लेंडवे, माया किसन पाटील, माया नवनाथ मासाळ, मेघा बाळू हजारे, सुप्रिया संजय सलगर, तमन्ना आखील मुलाणी, सुप्रिया विठ्ठल क्षीरसागर आणि अनिता ज्ञानेश्वर गवळी यांची निवड झाली.
या निवडणुकीचे कामकाज निवडणूक निर्णयाधिकारी सचिन जाधव आणि ज्ञानेश्वर भंडगे यांनी अत्यंत पारदर्शक व शिस्तबद्ध पद्धतीने पार पाडले.
निवडीनंतर नवनिर्वाचित पदाधिकाऱ्यांचा सत्कार करण्यात आला. यावेळी पतसंस्थेचे संस्थापक बाळासाहेब आनंदा सलगर, उपसरपंच तानाजी चव्हाण, नवनाथ मासाळ, ज्ञानेश्वर गवळी, उत्तम गवळी, रावसाहेब क्षीरसागर, संदीप लेंडवे तसेच संस्थेचे सर्व कर्मचारी व मान्यवर उपस्थित होते. याप्रसंगी उपस्थितांनी नवनिर्वाचित पदाधिकाऱ्यांचे अभिनंदन करून सक्षमीकरण त्यांच्या भावी कार्यासाठी शुभेच्छा दिल्या.
नव्या संचालक मंडळाच्या नेतृत्वाखाली पतसंस्थेची प्रगती अधिक वेगाने होईल. तसेच ग्रामीण भागातील आर्थिक विकास, महिला आणि सहकार चळवळीला बळकटी देण्याचे कार्य या पतसंस्थेमार्फत सातत्याने सुरू असून, आगामी काळात अधिक नाविन्यपूर्ण योजना राबवून सभासदांना दर्जेदार सेवा देण्याचा संकल्प नवनिर्वाचित पदाधिकाऱ्यांनी व्यक्त केला.
गोणेवाडी गावात सहकाराची मुहूर्तमेढ रोवण्याचे कार्य संस्थापक बाळासाहेब आनंदा सलगर यांनी श्री सिद्धनाथ अर्बन महिला क्रेडिट सोसायटीच्या माध्यमातून केले.
अल्पावधीतच या पतसंस्थेने ग्रामीण भागात विश्वासार्ह आर्थिक संस्था म्हणून आपली वेगळी ओळख निर्माण केली आहे. शेतकरी, महिला बचत गट, लघुउद्योजक आणि विविध व्यावसायिकांना आर्थिक पाठबळ देत स्वावलंबनाकडे वाटचाल करण्यासाठी संस्थेने महत्त्वाची भूमिका बजावली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
