पंढरीत वारकरी आता ‘स्मार्ट’ सुरक्षेत! भाविकांच्या मदतीसाठी ‘या’ ठिकाणी ‘तीर्थक्षेत्र पोलिस मदत केंद्र; वारकऱ्यांच्या सेवेला पोलिसांची साथ

मंगळवेढा टाईम्स न्युज नेटवर्किंग ।

आषाढी यात्रेसाठी लाखोंच्या संख्येने येणाऱ्या वारकऱ्यांना आता पोलिसांकडून अचूक माहिती मिळणार आहे. गर्दीत हरवलेल्या भाविकांची त्यांच्या नातेवाइकांशी भेट घालून देण्याचे काम तीर्थक्षेत्र पोलिसिंगच्या माध्यमातून करण्यात येणार आहे. यासाठी १३ विविध ठिकाणी तीर्थक्षेत्र पोलिस मदत केंद्राची उभारणी केली आहे.

तीर्थक्षेत्र पोलिस ही संकल्पना शहर पोलिस ठाणे मिसिंग सेल, निर्भया पथक पंढरपूर विभाग यांच्या समन्वयाने राबवण्यात येणार आहे. विविध भागात स्वागत कक्ष स्थापन कण्यात आले होते.

त्या कक्षामध्ये शहरातील मठ, धर्मशाळा, मंदिरे व राहण्याची ठिकाणे, रस्ते, हॉस्पिटल, पार्किंगची व्यवस्था, प्रथमोपचार याबाबत माहिती भाविकांना दिली जाणार आहे.

या कक्षामध्ये शहरातील महत्त्वाच्या संस्थांची, रुग्णालयाची, शासकीय कार्यालयाच्या अधिकारी व कर्मचाऱ्यांची फोन नंबरची यादी सुद्धा ठेवण्यात आली आहे. दर्शनासाठी आलेल्या भाविकांच्या गर्दीत त्यांच्या नातेवाइकांपासून अनेक वयस्कर, लहान मुले यांची ताटातूट झाली होते.

अशा वेळी हे केंद्र मदतीला तीर्थक्षेत्र पोलिसिंग संकल्पना ही यशस्वीपणे राबवण्याचे काम जिल्हा पोलिस अधीक्षक अतुल कुलकर्णी, अतिरिक्त पोलिस अधीक्षक कबाडे,उपविभागीय पोलिस अधिकारी प्रशांत डगळे, पोनि. टी. वाय. मुजावर यांच्या मार्गदर्शनाने पोउपनि. मोनिका खडसे, निर्भया पथक प्रमुख उपनिरीक्षक सुप्रिया यादव करीत आहेत.

या ठिकाणी तीर्थक्षेत्र पोलिस मदत केंद्र…

पंढरपूर शहरात छत्रपती शिवाजी महाराज चौक, चंद्रभागा वाळवंट, सांगोला चौक, गौतम विद्यालय, पत्रा शेड, सावरकर चौक, डीव्हीपी मॉल, केबीपी कॉलेज चौक, अर्बन बँक चौक, अंबाबाई पटांगण, ६५ एकर, तुळशी वृंदावन रेल्वे स्टेशन, जुना कराड नाका या ठिकाणी पोलिस मदत केंद्र उभारण्यात आले असल्याचे पोउपनि. मोनिका खडसे यांनी सांगितले.

३७६ विद्यार्थ्यांची मदत

स्वेरी इंजिनिअरिंग कॉलेजचे २५० विद्यार्थी, व पंढरपूर कर्मवीर भाऊराव पाटील महाविद्यालयाचे ६१ विद्यार्थी व एसकेएन सिंहगड इन्स्टिट्यूट या कॉलेजमधील ६५ असे एकूण ३७६ विद्यार्थ्यांनी स्वयंस्फूर्तीने पोलिसांच्या आवाहनाला प्रतिसाद देऊन सहभाग घेतला. तसेच प्रत्येक केंद्रावर दोन पोलिस अंमलदार व एक होमगार्ड भाविकांना आवश्यक माहिती पुरविण्याचे काम करत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज