मंगळवेढा टाईम्स न्युज ।
सामायिक विहिरीवरील झाडे का काढता, अशी विचारणा करणाऱ्या तरुणाला त्याच्याच सख्ख्या भावाने आणि वडिलांनी शिवीगाळ करत जबर मारहाण केल्याची घटना लक्ष्मीदहिवडी (ता. मंगळवेढा) येथे घडली आहे. याप्रकरणी मंगळवेढा पोलीस ठाण्यात दोघांविरुद्ध गुन्हा दाखल करण्यात आला आहे.
नेमकी घटना काय?
मिळालेल्या माहितीनुसार, फिर्यादी अमर सीताराम पाटील (वय ३२, रा. लक्ष्मीदहिवडी) आणि आरोपी हे नात्याने वडील व भाऊ आहेत. दि.४ मार्च २०२६ रोजी सायंकाळी ६ वाजेच्या सुमारास अमर पाटील हे आपल्या विहिरीवर गेले होते.
त्यावेळी आरोपी रविकिरण सीताराम पाटील आणि सीताराम सोपान पाटील हे सामायिक विहिरीवरील झाडे काढत होते.
अमर यांनी “तुम्ही सामायिक विहिरीवरील झाडे का काढता?” अशी विचारणा केली असता, दोन्ही आरोपींनी संतापून त्यांना अश्लील भाषेत शिवीगाळ करण्यास सुरुवात केली. वादाचे रूपांतर पुढे मारहाणीत झाले.
पत्नी सोडवण्यासाठी आली अन्…
मारहाण होत असल्याचे पाहून अमर पाटील यांची पत्नी त्यांना वाचवण्यासाठी मध्ये पडली. मात्र, आरोपींनी तिलाही जुमानले नाही. या वादात अमर यांना शारीरिक इजा पोहचवून जीवे मारण्याची धमकी (दमदाटी) देण्यात आली.
पोलीस कारवाई
या घटनेनंतर अमर पाटील यांनी मंगळवेढा पोलीस ठाण्यात धाव घेऊन तक्रार दिली. पोलिसांनी याप्रकरणी: BNS कलम: ११५(२), ३५२, ३५१(२), ३२४(४) यानुसार गुन्हा नोंदवला आहे.
या प्रकरणाचा पुढील तपास पोलीस हेड कॉन्स्टेबल धनंजय आवताडे हे करत आहेत. घरगुती वादातून पित्या-पुत्राने तरुणावर केलेल्या या हल्ल्यामुळे परिसरात चर्चेला उधाण आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
