बापरे..! आईवरून शिवीगाळ केल्यानं संतापलेल्या मित्राचा दगडाने ठेचून केला खून; परिसरात उडाली एकच खळबळ

मंगळवेढा टाईम्स न्युज नेटवर्क ।

कोल्हापूरातील विक्रमनगर परिसरात एक धक्कादायक घटना घडली आहे. दारुच्या नशेत शिवीगाळ केल्याच्या कारणावरून चिडून मित्रानेच मित्राच्या डोक्यात दगडाने हल्ला करत ठार केलं. ही घटना शनिवारी रात्री घडल्याचे सांगण्यात येत आहे.

या घटनेनं परिसरात एकच खळबळ उडाली आहे. विकास दत्तात्रेय भोसले (वय 33) असे मृत तरुणाचे नाव होते. या प्रकरणी आता आरोपी ओंकार महादेव काळे (वय 25) याला रात्री अटक करण्यात आल्याचे वृत्त आहे.

नेमकं काय घडलं?

पोलिसांनी दिलेल्या माहितीनुसार, विकास काळे हा मूळचा शाहूवाडी तालुक्यातील रहिवासी आहे. तो आपल्या वैयक्तिक कामानिमित्त कोल्हापुरात पाच ते दहा वर्षांपासून राहत होता.

त्याचे आई वडील आणि कुटुंबीय हे आपल्या गावी राहत होते. नंतर त्याने काही वर्षे एका खासगी फॅक्टरीत नोकरी करत होते, असे सांगण्यात येत आहे.

मित्राने घेतला मित्राचा जीव

दरम्यान, तरुणाची विक्रमनगर परिसरातील राहणाऱ्या ओंकार काळे यांच्यासोबत मैत्री होती. दोघेही अगदी जवळचे मित्र होते. ते शनिवारी दोघेही दिवसभर एकत्रच होतं.

रात्री दारू पिण्यासाठी दोघेही जोशी गल्ली परिसरात गेले, त्या ठिकाणी त्यांनी काही वेळ एकमेकांशी गप्पा मारल्या होत्या. नंतर बोलण्याच्या काही कारणावरून दोघांमध्ये मोठा वाद उफळला.

ओंकारकडून विकासला मारहाण

ओंकारने शिवीगाळ करत विकास याला मारहाण करण्यास सुरुवात केली. त्याने दारूच्या नशेत त्याच्या डोक्यात दगडाने हल्ला केला. त्यामुळे विकास हा गंभीर जखमी झाला.

परिसरात नागरिकांना त्याला जखमी अवस्थेत सीपीआरमध्ये दाखल केले. मात्र उपचार सुरु असताना त्याचा मृत्यू झाला असल्याची माहिती डॉक्टरांनी दिली होती. अशातच पोलिसांनी आरोपी ओंकार काळेच्या मुसक्या आवळल्या आहेत.

या प्रकरणी पोलीस उपअधीक्षक प्रिया पाटील, सहायक पोलीस निरीक्षक रणजित पाटील यांनी घटनास्थळी धाव घेतल्याचं वृत्त आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.