मंगळवेढा टाईम्स न्युज नेटवर्क।
मंगळवेढ्याहून बाजार घेवून जाणाऱ्या एका मोटर सायकलस्वारास कंटेनरने जोराची धडक दिल्याने डोकीस मार लागून माजी सैनिक असलेले
मोटर सायकलस्वार पांडुरंग नामदेव ठेंगील (वय ७७, रा. उचेठाण) यांचा मृत्यू झाला असून या मृत्यूस कारणीभूत ठरल्याप्रकरणी कंटेनर चालक सागर जयवंत निमंगरे (रा. पौट) याच्या विरुध्द गुन्हा दाखल झाला आहे.
दरम्यान मंगळवेढ्यात आज दिवसभरात तीन अपघात झाल्याचे वृत्त आहे. पोलीस सुत्रांनी दिलेली माहिती अशी, यातील फिर्यादी रुपाली बालाजी गडदे (वय.३३ वर्षे रा. उचेठाण) हिचे मयत वडिल पांडुरंग नामदेव ठेंगील (वय ७७) हे टी. व्हीएस. कंपनीच्या लुना मोटर सायकल क्रमांक एम. एच. १३ डी.सी.२१५० वरुन
मंगळवेढ्यात खरेदी केलेला बाजार घेवून ते उचेठाण येथे जात असताना दामाजी कारखाना चौक येथे आल्यावर दि. १२ रोजी दुपारी १.५४ वाजता कंटेनर क्रमांक एम.एच.४६ बी.यू.३२७६ वरील
चालक तथा आरोपी सागर जयवंत निमंगरे याने आपल्या ताब्यातील कंटेनर रस्त्याच्या परिस्थितीकडे दुर्लक्ष करुन अविचाराने निष्काळजीपणे चालवून मयताच्या मोटर सायकलीस जोराची धडक देवून
डोकीस व उजव्या पायास गंभीर दुखापत करुन त्यांच्या मरणास कारणीभूत झाला असल्याची फिर्याद पोलीस दाखल झाली आहे. याचा अधिक तपास पोलीस हवालदार कांबळे हे करीत आहेत.
दरम्यान सोमवारी दिवसभरात मंगळवेढ्यात विविध ठिकाणी तीन अपघात झाल्याचे वृत्त असून दिवसें दिवस अपघाताची मालिका संपता संपत नसल्याचे दिसून येत आहे. वाहन चालक वाहतूक नियमाचे पालन करीत नसल्यामुळे हे अपघात घडत आहेत.
सध्या उपप्रादेशिक परिवहन कार्यालयाकडून लायसन हे एजंट मार्फत मिळत असल्याने त्यांना वाहतूकीच्या नियमांची कोणतीही जाण होत नसल्यामुळेच या अपघाताचे प्रमाण वाढत असल्याचा आरोप होत आहे.
पुर्वी आरटीओ कार्यालयाकडून लायसन देताना वाहतूक नियमांची परीक्षा घेवून वाहतूकीचे सिग्नल समजावून सांगितले जात असे आता तसे होत नसल्यामुळेच चालक हे बेजबाबदारपणे वाहन चालविताना दिसून येत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
