जिल्हाधिकारी साहेब! उचेठाण, बठाण येथील वाळुचा ठेका रद्द करा, वाळूचा काळाबाजार चव्हाट्यावर; घरकुलासाठी वाळु मिळेना

मंगळवेढा टाईम्स न्युज नेटवर्क ।

मंगळवेढा तालुक्यातील उचेठाण, बठाण येथील वाळुचा काळाबाजार चव्हाट्यावर आला असून घरकुलासाठी वाळु मिळत नसल्याने प्रांत कार्यालयासमोर लोटांगण घालत आसुड आंदोलन करणार असल्याचा इशारा प्रहार संघटनेचे तालुकाध्यक्ष समाधान हेंबाडे यांनी दिला आहे.

मंगळवेढा तालुक्यातील उचेठाण व बठाण येथील वाळू ठेकेदार हे काही अधिकारी व त्या गावातील गाव पुढारी हाताशी धरून वाळूचा काळाबाजार करीत आहेत शासनाच्या नियमानुसार वाळूचे उत्खनन केले जाते पण दिवसाच या महसूल प्रशासनाच्या डोळ्यात कॅमेरा लावून मातीही टाकण्याचे काम हे ठेकेदार करीत आहेत.

दररोज या ठिकाणी दोनशे ब्रास वाळू काढली जाते, पण घरकुल लाभार्थ्यांना वाळू मिळत नाही याचे कारण म्हणजे या ठेकेदारांनी केलेला घोळ हा स्पष्ट दिसत आहे. आज ग्रामीण भागातील घरकुलाचे लाभार्थी गेली कित्येक दिवस झाले वाळू बुकिंग साठी प्रयत्न करीत आहेत पण बुकिंग होत नाही यासाठी प्रहार सैनिकांनी ही प्रयत्न केले आहेत, परंतु बुकिंग होत नाही.

कित्येक दिवस झाले वाळू उपसा भरमसाठ मोठ्या प्रमाणावर चालू आहे. उचेठाण व बठाण मधून किती गाड्या घरकुलासाठी गेल्या त्याचा खुलासा ही मंगळवेढा तहसीलदार व उपविभागीय अधिकारी यांनी करावा.

घरकुल ४ हजार ८०० च्या वर मंगळवेढा तालुक्यात मंजूर आहेत. पण वाळू एकाही लाभार्थ्याला नाही, घरकुलाचे नावे जर या गावातून मोठ्या प्रमाणात वाळूचा उपसा होत असेल तर तो बंद करावा यासाठी प्रहार संघटना १ मे रोजी सकाळी ११ पासून तहसील कार्यालय पासुन ते प्रांत कार्यालयापर्यंत लोटांगण घालून मंगळवेढा प्रांत कार्यालय समोर आसुड आंदोलन करणार आहे.

प्रहार जनशक्ती पक्षाचे सोलापूर जिल्हाध्यक्ष दत्ता मस्के पाटील व अपंग क्रांतीचे महिला जिल्हाध्यक्षा संजिवनी बारुंगुळे यांच्या नेतृत्वाखाली आंदोलन करणार असल्याचे निवेदन प्रहार अपंग क्रांतीचे जिल्हा उपाध्यक्ष सिदराया माळी,

जिल्हा सरचिटणीस श्रीपाद पाटील, प्रहार जनशक्ती पक्षाचे तालुकाध्यक्ष राकेश पाटील, तालुका उपाध्यक्ष रोहिदास कांबळे, शहराध्यक्ष युवराज टेकाळे, तानाजी पवार, विजय तेली, संजय राठोड, शकिल खाटीक, राहुल खांडेकर यांनी निवेदन दिले आहे.

दरम्यान, जर घरकुलासाठी वाळू मिळत नसेल तर वाळू ठेके रद्द करा अशी मागणीही प्रहार संघटनेचे तालुकाध्यक्ष समाधान हेंबाडे यांनी केली असून मंगळवेढा प्रांताधिकाऱ्यांनी जर या गोष्टीकडे दुर्लक्ष केले तर हे आंदोलन वेगळ्या पद्धतीने करून वरिष्ठ अधिकाऱ्यांना व महसुल मंत्र्यांना जागे करणार असल्याचे प्रहारचे अध्यक्ष समाधान हेंबाडे यांनी सांगितले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज