टीम मंगळवेढा टाईम्स।
शाळकरी विद्यार्थ्यांना घेऊन शैक्षणिक सहलीला निघालेल्या खाजगी बसला मंगळवेढा तालुक्यात अपघात होऊन त्यात बस चालक जखमी झाला आहे. तर अन्य चार विद्यार्थी जखमी झाले.
राष्ट्रीय महामार्गावर भरधाव वेगाने जाणाऱ्या शाळेच्या सहल बसवरील ताबा सुटल्याने बस पलटी होवून चार विद्यार्थी जखमी झाल्याची घटना मंगळवेढा पासून तीन किलोमीटर अंतरावर घडली.
श्री गणेश विद्यालय शिवनखेड लातूर माध्यमिक विद्यालयाची शाळेची खाजगी बस कोल्हापूर पर्यटनाला जात असताना पहाटे 3.30 च्या सुमारास चालकाचे नियंत्रण सुटल्यामुळे खाजगी बसचा अपघात झाला.
बस रस्त्याच्या खाली उतरली, दोन वेळा पलटी मारून रस्त्याच्या खाली खड्ड्यात पडली सदर घटनेमध्ये 39 विद्यार्थी व 11 शिक्षक 2 चालक होते.त्यामधील जखमींना ग्रामीण रुग्णालय मंगळवेढा येथे उपचारासाठी दखल करण्यात आले.
श्री गणेश विद्यालय शिवनखेड लातूर या विद्यालयाची माध्यमिक शाळेची सहल लातूर येथील खाजगी बस एम एच 24 ए बी 7281 ही 39 विद्यार्थी व आठ शिक्षक यांना घेऊन रात्री दहा वाजता कोल्हापूर कडे निघाली होती.
सर्व विद्यार्थी व शिक्षक मोठ्या आनंदामध्ये कोल्हापूरकडे निघाले असताना मंगळवेढा येथील लक्ष्मी मंदिर काळाखडकाच्या जवळ ड्रायव्हरचे गाडीवरचे नियंत्रण सुटल्यामुळे गाडी रस्त्याच्या खाली जाऊन दोन वेळा पलटी झाली.
यामध्ये साखर झोपेमध्ये असणारे विद्यार्थी व शिक्षक यांना दुखापत झाली असून 108 रूग्णवाहिकेचे डॉ. प्रज्योत पाटील व चालक गौसपाक आतार यांनी तातडीचे सहकार्य केले. 108 अॅम्बुलन्स सांगोला यांनाही जखमींची संख्या जास्त असल्यामुळे मदतीसाठी बोलवण्यात आले.
होते त्यामध्ये डॉ. वैभव जांगळे व चालक दत्ता भोसले त्याचबरोबर हायवे अथोरिटी ऑफ इंडिया यांची अॅम्बुलन्स 1033 चे ड्रायव्हर व सुपरवायझर यांनी तातडीची घटनास्थळ गाठून मदत कार्य करून जखमीं 39 विद्यार्थी 11 शिक्षक व दोन चालकांना उपचारासाठी ग्रामीण रुग्णालय मंगळवेढा येथे दाखल करण्यात आले.
वैद्यकीय अधीक्षक डॉ. सुलोचना जानकर यांनी तातडीने मंगळवेढा ग्रामीण रुग्णालयातील धाव घेऊन जखमींसाठी वैदयकिय यंत्रणा सतर्क ठेवत रात्र पाळीतील आर.बी.एस. के चे वैद्यकीय अधिकारी डॉ प्रवीण माने, आयुष डॉ. निखिल जोशी, आर.बी. एस. के चे डॉ कुलकर्णी व परिचारिका वैशाली शिंदे, शितल कपाटे, सानिका गायकवाड सुनिता जाधव व चनशेट्टी यांनी सर्व विद्यार्थ्यांवर उपचार केले.
जखमी विद्यार्थी व शिक्षक यांची यांना उपचार केले असून त्यामध्ये दोन विद्यार्थी चालक यांना हाडाची दुखापत झाल्याची माहिती ग्रामीण रुग्णालयाच्या वैद्यकीय अधिकारी डॉ.सुलोचना जानकर यांनी दिली.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
