टीम मंगळवेढा टाईम्स ।
माढा लोकसभा मतदारसंघातील महाविकास आघाडीचे उमेदवार धैर्यशिल मोहिते-पाटील यांच्या प्रचारार्थ शिवसेना उद्धव बाळासाहेब ठाकरे पक्षाच्या उपनेत्या तथा शिवसेनेच्या फायरब्रँड नेत्या सुषमाताई अंधारे यांची
आज सोमवार दिनांक 29 एप्रिल रोजी सायंकाळी साडेपाच वाजता महुद बुद्रुक येथे जाहीर सभा आयोजित करण्यात आली आहे.
सुषमा अंधारे या शिवसेनेच्या उपनेत्या असून त्यांच्या बेधडक वक्तव्यामुळे, संवाद कौशल्यामुळे आणि वक्तृत्वामुळे त्या प्रत्येक सभा गाजवत असतात. प्रत्येक सभांमधून त्या विरोधी पक्षाच्या नेत्यांवर तुटून पडतात. विरोधी पक्षाच्या नेत्यांवर जहरी टीका करतात.
कोणतीही पर्वा न करता त्या बेधडकपणे बोलतात. यामुळे त्यांच्या सभांना मोठी गर्दी होते आणि त्या नेहमी चर्चेत राहतात.
विरोधी पक्षातील मातब्बर नेते सुद्धा त्यांच्या सभांकडे डोळे लावून असतात. त्या कधी कुणावर काय टीका करतील याचा नेम नसतो. त्यामुळेच सुषमा अंधारे शिवसेनेच्या फायरब्रँड नेत्या म्हणून ओळखल्या जातात.
सांगोला तालुक्यात आल्यानंतर आमदार शहाजी बापूंवर त्या नक्कीच तोंडसुख घेणार यात शंका नाही. यामुळे महूदच्या सभेत त्या नेमक्या काय बोलतात याची उत्सुकता संपूर्ण सांगोला तालुक्याला आहे.
महूद बुद्रुक ता.सांगोला येथे होणाऱ्या या सभेसाठी सांगोला विधानसभा मतदारसंघातील शेतकरी कामगार पक्ष, राष्ट्रवादी काँग्रेस शरदचंद्र पवार पक्ष,
शिवसेना उद्धव बाळासाहेब ठाकरे पक्ष, काँग्रेस पक्ष व मित्र पक्षाच्या सर्व नेते, कार्यकर्ते, पदाधिकारी व महूद परिसरातील नागरिकांनी मोठ्या संख्येने या सभेला उपस्थित राहावे असे आवाहन संयोजकांनी केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
