टीम मंगळवेढा टाईम्स ।
राज्यातील गोरगरीब रुग्णांसाठी राज्य सरकारतर्फे राबवण्यात येणाऱ्या महात्मा फुले जनआरोग्य योजनेची व्याप्ती वाढवून उत्पन्न मर्यादा दीड लाखावरून पाच लाखांपर्यंत करण्याचा प्रस्ताव लवकरच पाठवण्यात येईल, अशी माहिती आरोग्य मंत्री तानाजी सावंत यांनी गुरुवारी विधानसभेत दिली.
तर या योजनेत आयुर्वेद उपचार पद्धतीचा अंतर्भाव करण्यासाठी समिती गठीत करण्यात येणार असून या समितीच्या अहवालानंतर याबाबत अंतिम निर्णय घेण्यात येईल, असेही त्यांनी यावेळी जाहीर केले.
विधानसभा सदस्य डॉ.राहुल पाटील यांनी लक्षवेधी सूचनेद्वारे या योजनेबाबतचा प्रश्न उपस्थित केला होता. त्याला उत्तर देताना मंत्री सावंत यांनी वरील माहिती दिली.
एकत्रित महात्मा जोतिराव फुले जनआरोग्य योजना व प्रधानमंत्री आरोग्य योजनेमध्ये ९९६ उपचार सामायिक असून प्रधानमंत्री जनआरोग्य योजनेच्या लाभार्थ्यांसाठी अतिरिक्त २१३ उपचार मिळून एकूण १२०९ उपचार समाविष्ट करण्यात आल्याची माहिती त्यांनी यावेळी दिली.
तर २ जुलै २०१२ ते २८ फेब्रुवारी २०२३ या कालावधीत अॅलोपॅथीमध्ये ५१ लाख ९० हजार उपचार आणि १० हजार ३३० कोटी रकमेचे दावे अदा करण्यात आल्याचे त्यांनी सांगितले.
एकत्रित योजनेमध्ये रुग्णांना गंभीर, गुंतागुंतीच्या आणि तातडीच्या आजारांवर उपचार करून रुग्णाचे प्राण वाचवण्याच्या हेतूने ३४ विशेषज्ञ सेवांमध्ये द्वितीय आणि तृतीय स्तराचे वैद्यकीय उपचार आणि विविध शस्त्रक्रिया यांचा समावेश करण्यात आला आहे.
एकत्रित योजनेमध्ये अॅलोपॅथी उपचारांचा समावेश करण्याबाबत निर्णय राज्य शासनमार्फत घेण्यात आला असल्याचेही डॉ.तानाजी सावंत यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
