टीम मंगळवेढा टाईम्स । मंगळवेढा नगरपरिषदेच्या मुख्याधिकारी रिक्त पदावर निशिकांत परचंडराव यांच्या नियुक्तीचा आदेश अव्वल सचिव यांनी काढला असून ते आज गुरुवारी कार्यभार स्विकारण्यार असल्याचे समजते.
निशिकांत परचंडराव हे हिंगोली जिल्ह्यातील औंढा नागनाथ नगरपरिषदेचे मुख्याधिकारी म्हणून कार्यरत आहेत. ते मुळचे पंढरपूर येथील असून गेल्या आठ वर्षापुर्वी त्यांनी मंगळवेढा नगरपरिषदेचे मुख्याधिकारी म्हणून उत्कृष्ठपणे काम केलेले आहे.प्रशासन व नगरसेवक यांचेत समन्वय राखणारा अधिकारी अशी त्यांची ओळख आहे.
गेल्या दोन वर्षापासून मंगळवेढा नगरपरिषदेत नगराध्यक्षा व नगरसेवकांमधील संघर्ष शिगेला पोहचल्याने विकास कामे खोळांबली आहेत. मंगळवेढा शहराच्या विकासाच्या दृष्टीने हा वाद मिटने अतिशय महत्वाचे असून परचंडराव यांच्या नावाला लोकप्रतिनिधीही अनुकुल असल्याचे बोलले जात असून नियुक्तीनंतर पदाधिकारी व नगरसेवकांमधील असलेला टोकाचा वाद मिटवण्याचे आव्हान त्यांचेसमोर असले तरी हे आव्हान ते लिलया पेलतील अशी अपेक्षा नगरपालिका वर्तुळातून व्यक्त केली जात आहे.
मंगळवेढा नगरपरिषदेच्या मुख्याधिकारी पल्लवी पाटील यांची बदली मागील महिन्यात महाबळेश्वर येथे झाल्याने येथील मुख्याधिकारी हे पद गेल्या महिनाभरापासून रिक्त आहे. पल्लवी पाटील यांनी पदभार सोडताच मंगळवेढा शहरात कोरोना पॉझिटिव्ह रुग्ण आढळण्यास प्रारंभ झाला. नगरपरिषदेस स्वतंत्र अधिकारी नसल्यामुळे कोरोनासारख्या महायुध्द प्रसंगी लढाई कोण लढविणार याबाबत अनेक तर्कवितर्क काढले जात होते.
तात्पुरत्या स्वरूपात तहसीलदार स्वप्नील रावडे यांचेकडे नगरपरिषदेचा कार्यभार देण्यात आला.शहराबरोबरच ग्रामीण भागातही कोरोनाचे रुग्ण पाय पसरू लागल्याने तहसीलदार रावडे यांना महसूल विभाग व नगरपरिषद असा दोन्ही कार्यभार संभाळताना तारेवरची कसरत करावी लागली.एक महिन्याच्या प्रतिक्षेनंतर शासनाने निशिकांत परचंडराव यांची मंगळवेढा नगरपरिषदेच्या मुख्याधिकारी पदावर नियुक्ती केली आहे.
परचंडराव यांनी यापुर्वी मंगळवेढा येथे काम केल्याने त्यांना येथील चौफेर अनुभव आहे. त्यामुळे ते भविष्यात चांगल्या पध्दतीने काम करतील अशी शहरवासियांना खात्री आहे.मंगळवेढा शहरात कोरोना पॉझिटिव्ह रुग्णांची संख्या दिवसेंदिवस मोठया संख्येने वाढत असल्याने त्यांना रोखणे हे मात्र नूतन मुख्याधिकाऱ्यांसमोरचे आव्हान आहे.
Appointment of Nishikant Parchandrao as the Chief Officer of Mangalvedha NP
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 95 6161 7373 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
