टीम मंगळवेढा टाईम्स।
मी महावितरण ऑफिसमधून बोलतोय, तुमच्या घराचे लाईट बिल भरले नसल्यामुळे वीज कनेक्शन बंद करण्यात येत आहे असे सांगून एका 77 वर्षीय वृध्द पेन्शनर व्यक्तीला लिंक पाठवून
बँक खात्यावरील 4 लाख 61 हजार 500 रुपये इतकी रक्कम इतर अन्य खात्यामध्ये वळवून फसवणूक केल्याचा प्रकार मंगळवेढा तालुक्यात घडला असून या प्रकरणी अज्ञात चोरटयाविरूध्द गुन्हा दाखल झाला आहे.
पोलिस सुत्रांनी दिलेली माहिती अशी, यातील फिर्यादी मधूकर वामन कुलकर्णी (वय 77,सांगली सध्या सलगर बु.) हे भूमीअभिलेख कार्यालय सांगली येथे नोकरीस होते.
सध्या ते सेवानिवृत्त झाल्याने मूळ गावी सलगर बु.येथे आले आहेत.दि.13 रोजी फिर्यादीच्या मोबाईलवर राहुल शर्मा नामक इसमाने संपर्क साधून वीज बिल बाकी असल्याचे सांगितले. त्यासाठी फिर्यादीला लिंकही पाठविण्यात येवून डाऊनलोड करण्यास सांगितले.
फिर्यादीच्या मोबाईलमधील एसबीआय युनो अ‍ॅपवर नियंत्रण मिळवून दि.13 च्या दरम्यान 4 लाख 61 हजार 500 रुपये इतकी रक्कम इतर बँक खात्यामध्ये वर्ग करून फिर्यादीची फसवणूक केल्याचे दिलेल्या तक्रारीत म्हटले आहे.
लाईट बिल जमा झाले की नाही हे तपासण्याच्या नावाखाली फिर्यादीचा युजर आय डी पासवर्ड विचारून घेतला,
त्यानंतर संध्याकाळी 8.00 ते 10.00 च्या दरम्यान फिर्यादीच्या मोबाईलवर पैसे डेबीट झाल्याचा मेसेज प्राप्त झाला.
तदनंतर फिर्यादी मंगळवेढयातील स्टेट बँकेत येवून बँकेतील मॅनेजरला खात्याची डिटेल्स तपासून पेन्शन खाते व सेव्हिंग खात्यातून रक्कम डेबीट झाल्याचे फिर्यादीने सांगितले.
याचा अधिक तपास पोलिस निरिक्षक रणजित माने हे करीत आहेत.
पोलिस प्रशासनाने केले आवाहन
दरम्यान, मंगळवेढयात मोबाईलवरून पैसे उकळण्याचा प्रकार घडल्याने मोठी खळबळ उडाली असून नागरिकांनी आपले बँक खाते नंबर,ए.टी.एम. पासवर्ड,कोड नंबर कोणालाही सांगू नये असे आवाहन पोलिस प्रशासनाच्या वतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
