टीम मंगळवेढा टाईम्स ।
श्री संत दामाजी साखर कारखाना मतमोजणीसाठी दोनशे कर्मचारी नेमले असुन २७ टेबलद्वारे मत मोजणी केली जाणार आहे. यासाठी संपुर्ण प्रशासकीय यंत्रणा सज्ज झाली आहे.
मतमोजणी आज शासकीय गोडाऊन येथे होणार आहे. यासाठी सकाळी आठ वाजता प्रारंभ होणार आहे. दामाजी कारखान्याच्या 20 संचालक निवडीसाठी दिनांक 12 रोजी मतदान झाले होते.
यासाठी आज मतमोजणी होत आहे. 27 टेबल ठेवले आहेत. या प्रत्येक टेबलला तीन कर्मचारी नेमले असून २४ हजार ५२१ मतांची मोजणी होणार असुन मोजणी चार फेऱ्यांमध्ये होणार आहे.
सत्ताधाऱ्यांना विरोध करण्यासाठी , सर्वजण एकत्र येऊन समविचारी पॅनल तयार केल्याने अत्यंत चुरशीने मतदान झाले आहे. बुधवारी दिवस भर कोणता गट विजयी होणार ? मतांची गोळा बेरीज, निकालाचा अंदाज काढत असल्याचे शहरात व ग्रामीण भागात चौका चौकात होते.
हेही वाचा-
मत पेट्या ठेवल्या ठिकाणी गडबड होऊ नये यासाठी रात्र दिवस खडा पोलीस बंदोबस्त नेमण्यात आला आहे.
आवताडे गटाची जमेची बाजू:
गेल्या सहा वर्षात कारखाना अखंडितपणे सुसाट चालवला आहे. शेतकऱ्यांची ऊसाची बिले प्रत्येक वर्षी देण्यात आली आहेत. कारखान्यावर असलेले कर्ज येणाऱ्या काळात फेडून कारखाना कर्जमुक्त करणार असल्याची घोषणा चेअरमन आ.समाधान आवताडे यांनी केली आहे.
तसेच राज्यात व केंद्रात भाजपची सत्ता असल्याने याचा कारखान्याला पुरेपूर फायदा होणार असल्याचे त्यांच्याकडून वारंवार सांगितले जात होते.
त्यामुळे येणाऱ्या काळात ऊस बिले कामगार पगार, इतर सर्व अडचणीवर मात करून कारखाना सुसाट व अधिक गतीने चालणार असल्याचे दावे त्यांनी प्रचारादरम्यान केले होते.
समविचारी गटाची जमेची बाजू;
सर्वपक्षीय मंडळी एकत्र आल्याने समविचारी आघाडीला अधिक बळ मिळाले होते. कारखान्याच्या बाबतीत होत असलेल्या अन्याया विरोधात समविचारी मंडळी लढा देत आहे.
समविचारी गटाकडे अनेक जुने चेहरे व काही नवे चेहरे असल्याने कारखान्याला याचा फायदा होणार असल्याचे त्यांनी सांगितले होते.
सत्ताधारी गटाने कारखान्याचे काय अवस्था केली आहे याचा दाखला त्यांनी प्रत्येक सभेत दिला होता, मात्र याचे मतरुपी रुपांतर होते का ? हे आज पाहायला मिळणार आहे.
1 हजार ते 1200 मताधिक्याने पॅनलचा विजय होणार
दरम्यान, दामाजी कारखान्याचे निवडणूक अत्यंत चुरशीने झाली आहे. तीन हजार ते दोन हजार मताने आम्ही येणार असे दावे त्यांनी केले आहेत.
मात्र ही प्रत्यक्ष लढाई पाहता जवळपास 1 हजार ते 1200 मताधिक्याने पॅनलचा विजय होणार असल्याचा अंदाज राजकीय वर्तुळातून व्यक्त केला जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
