टीम मंगळवेढा टाईम्स ।
सत्तांतरानंतर जिल्हा परिषद, जिल्हा मध्यवर्ती बॅंक, दूध संघ अशा सहकारी संस्थांमध्ये भाजपला जम बसविण्याची मोठी संधी आहे.
आगामी जिल्हा परिषद व जिल्हा बॅंकेच्या निवडणुकीच्या पार्श्वभूमीवर आमदार रणजितसिंह मोहिते-पाटलांना किंवा आमदार समाधान आवताडे यांना जिल्ह्याचे पालकमंत्रीपद देऊन सहकारी संस्था, स्थानिक स्वराज्य संस्थांमध्ये ताकद वाढविण्याचा प्रयत्न भाजप करेल, असा राजकीय अंदाज वर्तविला जात आहे.
आमदार समाधान आवताडे यांनी पोटनिवडणूक जिंकल्याने राज्यात भाजपचे सरकार येणार महाविकास आघाडीचा करेक्ट कार्यक्रम करणार असे देवेंद्र फडणवीस हे सांगत होते.
आमदार समाधान आवताडे यांच्या विजयाने भाजपच्या गोटात कमालीचा उत्साह वाढला होता. त्यामुळेच आवताडे यांचे नाव चर्चेत आले आहे.
दुसरीकडे राज्याचे माजी उपमुख्यमंत्री विजयसिंह मोहिते-पाटील यांची आजही जिल्ह्याच्या राजकारणात मोठी ताकद आहे.
माढा लोकसभा व माळशिरस, करमाळा विधानसभा मतदारसंघासह जिल्हाभरात त्यांना मानणारा मोठा वर्ग आहे.
रणजितसिंह मोहिते-पाटील हेदेखील राष्ट्रवादीकडून खासदार होते, जिल्हा बॅंकेचे अध्यक्षदेखील राहिले आहेत. २०१४ च्या निवडणुकीपूर्वी त्यांनी राष्ट्रवादीतून बाहेर पडण्याचा निर्णय घेतला.
उपमुख्यमंत्री देवेंद्र फडणवीस यांच्या नेतृत्वावर विश्वास ठेवून त्यांनी भाजपमध्ये प्रवेश केला. पक्षाने त्यांना विधान परिषदेवर संधी दिली.
तत्पूर्वी, भाजपने विधानसभेला दिलेला उमेदवार राम सातपुते यांना माळशिरस मतदारसंघातून आमदार म्हणून निवडून आणले. तर माढा लोकसभा मतदारसंघ असो वा सोलापूर लोकसभा मतदारसंघातून दोन्ही खासदार भाजपचेच आहेत.
दरम्यान, सोलापूर जिल्हा परिषदेचा अध्यक्ष कोण असावा हे कित्येक वर्षे माळशिरस तालुका ठरवायचा. मोहिते-पाटील यांचे सर्वाधिक सदस्य असायचे आणि इतर सदस्यदेखील मोहिते-पाटलांचे समर्थक असायचे.
येणाऱ्या काही दिवसातच पालकमंत्री कोण होणार हे अधिकृत पने घोषणा सरकार करेल सध्या तरी आवताडे व मोहिते पाटील यांच्या नावाची जोरदार चर्चा सुरू आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
