टीम मंगळवेढा टाईम्स ।
कमलापूर येथील मुलगा व मेडशिंगी येथील अल्पवयीन मुलीचा विणके येथे सोनारसिध्द मंदिरात दि.१५ रोजी सायंकाळी सहाच्या सुमारास बालविवाह झाल्याची घटना घडली होती.
याप्रकरणी मंदिराचे पुजारी अशोक मिसाळ (रा.चव्हाण मळा, चिणके, ता.सांगोला ) यांनी पोलिसात दिलेल्या फिर्यादीवरून सागर भगवान बनसोडे (नवरा मुलगा), भगवान बनसोडे (नवरदेवाचे वडील) सुमन बनसोडे ( नवरदेवाची आई ),
विठ्ठल दत्तात्रय वसेकर (मुलीचे वडील), उषा विठ्ठल वसेकर (मुलीची आई), दत्तात्रय देशपांडे, पुरोहित रा. नाझरा ता . सांगोला व इतर तीन ते चार अनोळखी व्यक्तींच्या विरोधात बेकायदेशीर विवाहप्रकरणी सांगोला पोलिसात गुन्हा दाखल झाला आहे.
फिर्यादीकडे चिणके येथील येथील त्याच्या घराजवळील सोनारसिध्द मंदिरात पूजाअर्चा आणि मंदिरात होणारे कार्यक्रम पार पाडण्याची जबाबदारी आहे.
दि.१५ रोजी सकाळी दहाच्या सुमारास कमलापूर कमलापूर येथील भगवान बनसोडे व त्यांच्यासोबत विठ्ठल बसेकर हे फिर्यादीच्या घरी आले.
त्याच दिवशी सायंकाळी सहाच्या सुमारास सोनारसिध्द मंदिरामध्ये सागर व संजना यांचा साखरपुड्याचा कार्यक्रम करायचा असल्याचे सांगितले.
त्यानंतर फियांदी हे पाहुण्यांकडे दहिवडी ता.तासगाव येथे गेले. दरम्यान दोघांचा बालविवाह उरकण्यात आला. हे समजल्यानंतर सांगोला पोलिसांत याप्रकरणी गुन्हा दाखल केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
