टीम मंगळवेढा टाईम्स।
सोलापूर जिल्ह्यातील मोहोळमध्ये पोटच्या मुलानींच बापाला गंडा घातल्याचं समोर आहे. या संदर्भात वडिलांना आपल्या मुलांविरोधातच गुन्हा नोंद करावा लागला आहे.
मोहोळ पोलीस ठाण्यात या संदर्भात गुन्हा नोंद करण्यात आला आहे. मोहोळ तालुक्यातील गोटेवाडी येथील जगन्नाथ भुजंगा कोकरे यांनी मोहोळ शहरातील भारतीय स्टेट बँकेमध्ये स्वतःचं खातं उघडलं होतं.
त्या खात्यावरती त्यांची 2 लाखांपेक्षा जास्त रक्कम शिल्लक होती. आपल्या खात्याचं त्यांनी एटीएम कार्ड काढलं होतं. परंतु, या एटीएमचा ATM वापर त्यांनी केला नव्हता.
मंगळवारी 31 मे रोजी ते मोहोळ येथील भारतीय स्टेट बँकेच्या शाखेत गेले. 2 लाख रुपये काढण्यासाठी फॉर्म भरला.
मात्र त्यांच्या खात्यामध्ये केवळ 647 रुपये शिल्लक असल्याची माहिती बँकेतील कर्मचाऱ्यांनी दिली.
त्यांनी या संदर्भात बँकेच्या अधिकाऱ्यांकडे चौकशी केली असता, त्यांच्या एटीएमच्या माध्यमातून हे पैसे काढले गेल्याचं सांगण्यात आलं.
दिनांक 24 मेपासून वेगवेगळ्या ठिकाणाहून वेळोवेळी 2 लाख रुपये काढून घेतल्याचं सांगितलं.
सुरुवातीला 2 हजार रुपये त्यानंतर 25 ते 29 तारखेदरम्यान 1 लाख 80 हजार असे एकूण 2 लाख रुपये त्यांच्या खात्यावरून काढण्यात आले होते.
यासाठी वेगवेगळ्या ठिकाणच्या एटीएमचा वापर करण्यात आलेला होता. ही माहिती एकूण शेतकरी जगन्नाथ कोकरे यांना धक्काच बसला.
या संदर्भात त्यांनी अधिक माहिती घेण्याचा प्रयत्न केला, तेव्हा त्यांची दोन्ही मुलं सागर कोकरे आणि सचिन कोकरे यांनीच हे पैसे काढल्याचं उघड झालं.
या प्रकरणी सागर कोकरे आणि सचिन कोकरे या दोन्ही मुलांवर मोहोळ पोलीस ठाण्यात गुन्हा दाखल करण्यात आला आहे. पोलीस हेडकॉन्स्टेबल शरद ढावरे हे गुन्ह्याचा तपास करत आहेत.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
