टीम मंगळवेढा टाईम्स ।
मंगळवेढा-पंढरपूर विधानसभा पोटनिवडणुकीच्या निकालानंतर नॉट रिचेबल झालेले विठ्ठल कारखान्याचे अध्यक्ष भगीरथ भालके जिल्हा दूध संघाचा निवडणुकीच्या पार्श्वभूमीवर ज्येष्ठनेते बबनराव आवताडे यांच्या सोबतीने मंगळवेढ्यात सक्रिय झाल्याने राजकीय वर्तुळात त्यांच्या आगमनाने अनेकांच्या भुवया उंचावल्या आहेत.
स्व.भारत भालके यांनी ११ वर्षात तीन वेगवेगळ्या पक्षातून आमदारकी मिळताना कायमस्वरूपी जनतेलाच आपला पक्ष मानले.
परंतु त्यांच्या पश्चात ही जागा राखताना अपयश आल्यामुळे भगीरथ भालके गेल्या काही दिवसांपासून नॉट रिचेबल झाले होते.
भगीरथ भालके सक्रिय नसल्यामुळे अनेक उलटसुलट चर्चा सुरू होत्या. दोन दिवसापूर्वी त्यांच्या समर्थकांनी सरकोली (ता . पंढरपूर) येथे जाऊन आगामी राजकीय घडामोडींच्या पार्श्वभूमीवर त्यांनी सक्रिय होण्याबाबत विनंती केली होती.
त्यानुसार शुक्रवारी भालके हे मंगळवेढा येथे जिल्हा दूध संघाची बैठकीला उपस्थित राहिले तत्पूर्वी संपर्क कार्यालयात उपस्थित सभासदांना त्यांनी मार्गदर्शनही केले.
या बैठकीला माजीमंत्री दिलीप सोपल, माजी आमदार दिलीप माने, राजन पाटील, ज्येष्ठनेते बबनराव आवताडे चंद्रकांत देशमुख, सुरेश हसापूरे, राहुल शहा, खरेदी-विक्री संघाचे चेअरमन सिध्देश्वर आवताडे, लतीफ तांबोळी यांच्या बरोबर भालके यांनी समर्थकांसह उपस्थिती लावली.
यामुळे समर्थकांच्या चेहऱ्यावर हास्य उमटले तर तालुक्यातून ७२ सभासद असलेल्या बैठकीस आज जवळपास ५० सदस्य उपस्थित होते.
जिल्ह्याचे नेते बबनराव आवताडे यांच्या बरोबरीने जिल्हा दूध संघाच्या निवडणुकीत सक्रिय राहताना संस्थेवर आपले वर्चस्व कसे राहील यासाठी त्यांचे प्रयत्न राहणार आहेत.
एकूणच आगामी राजकारणात भगीरथ भालके हे बबनराव आवताडे यांच्या बरोबरीने राजकीय गटबांधणी करणार असल्याचे चित्र दिसून येत आहे.
युटोपियन शुगर येथे समविचारी गटाची बैठक
जिल्हा दूध संघाच्या निवडणुकीचा बिगुल लवकरच वाजणार असून मंगळवेढा तालुक्यातील दुध संस्थांच्या प्रतिनिधींची तसेच समविचारी आघाडीची विचारविनिमय करण्यासाठीची बैठक कचरेवाडी युटोपियन शुगर येथे आमदार समाधान आवताडे यांच्या अध्यक्षतेखाली झाली जिल्हा दूध संघाची अंतिम यादी प्रसिध्द झाली असून
जिल्ह्यातील एकूण ३१६ दूध संस्थापैकी मंगळवेढा तालुक्यातील ७२ दूध संस्थांच्या प्रतिनिधीना मतदानाचा हक्क मिळाला आहे.
माजी आमदार प्रशांत परिचारक व आमदार समाधान आवताडे यांच्या गटाच्या एकूण ५० ते ५५ दूध संस्थांचे ठराव असून त्यापैकी बैठकीस ४१ दूध संस्थांचे प्रतिनिधी उपस्थित होते.
यावेळी जिल्हा दूध संघाचे माजी संचालक औदुंबर वाडदेकर , शिवाजीराव नागणे यांनी मानोगत व्यक्त केले.
यावेळी जयंत साळे , पंचायत समितीचे माजी सभापती प्रदीप खांडेकर भाजपचे तालुकाध्यक्ष गौरीशंकर बुरकुल , दामाजी शुगरचे संचालक सुरेश भाकरे , विजय माने , पप्पू काकेकर , जिल्हा परिषदेचे माजी सदस्य नामदेव जानकर,
धनंजय पाटील , येताळा भगत , अण्णा पाटील , महादेव लुगडे , पप्पू स्वामी , दिगंबर भाकरे यांच्यासह दूध संस्थांचे प्रतिनिधी उपस्थित होते . आभार जयंत साळे यांनी मानले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
