टीम मंगळवेढा टाईम्स । सोलापूर जिल्ह्यातील मोहोळ तालुक्यात एका हॉटेलमध्ये वेटरनं आत्महत्या केल्याची घटना समोर आली आहे. सोलापूर-पुणे महामार्गावरील मोहोळ शहरात असलेल्या रुची हॉटेलमधील किचनमध्ये कुजलेल्या अवस्थेत कामगाराचा मृतदेह आढळला आहे. हॉटेलमधून दुर्गंधी पसरल्याने नागरिकांनी पोलिसांना माहिती दिल्यानंतर हा प्रकार उघडकीस आला आहे.
कुलदीपसिंग मरावी असे या आत्महत्या केलेल्या कामगाराचे नाव असून तो मुळचा मध्यप्रदेशचा रहिवासी होता. लॉकडाऊन काळात हॉटेल बंद असल्यानं हॉटेलमध्ये एकूण तीन कामगार मुक्कामी होते. मात्र, त्यापैकी दोघांना ई-पास मिळाला होता. त्यामुळे ते आपल्या मुळ गावी निघून गेले होते.
सोलापूर! दोन महिने हॉटेलमध्येच लटकत होता मृतदेह; मोहोळमध्ये कामगाराची आत्महत्या@SpSolapurRural @AnilDeshmukhNCP @DGPMaharashtra @CMOMaharashtra @YashwantManeNCP @bharanemamaNCP pic.twitter.com/P7ck8zswPA
— Mangalwedha Times (@SamadhanFugare) August 30, 2020
सोलापूर – पुणे रोडवरील मोहोळ शहरानजीक बंद असलेल्या एका हॉटेलमध्ये हॉटेल कामगाराने लॉकडाऊनच्या काळात गावाकडे जाण्याची सोय झाली नाही तर येथे खाण्यापिण्याची ही सोय झााली नाही म्हणुन बंद असलेल्या हॉटेलच्या किचनमध्ये गळफास घेऊन जीवनयात्रा संपविल्याची घटना रविवारी ३० ऑगस्ट रोजी उघडकीस आली. मागील दोन – अडीच महिन्यापासुन मृतदेह लटकत राहिल्याने आपोपाप त्याचे मुंडके गळुन बाजुला पडल्याचे दिसून आले .
याबाबत पोलीसांनी दिलेल्या माहितीनुसार येथील कन्या प्रशाला चौकातील हॉटेल रूची हे लॉकडाऊन सुरु झाल्यापासुन बंद होते. हॉटेलच्या मूळ मालकाने हे हॉटेल इतर दोघांना चालविण्यास दिले होते. २४ मार्चपासून लॉकडाऊनमुळे हॉटेल बंद होते. या हॉटेलात तिघे कामगार परराज्यातील होते. परंतू गावाकडे जाण्यासाठी दोन कामगारांना पास मिळाला एकास पास न मिळाल्याने तो हॉटेलमधेच राहिला होता.
लॉकडाऊनच्या काळात काही दिवस त्याने मिळेल त्या जेवनावर काढले त्यानंतर खाण्यापिण्याची सोय झाली नाही म्हणुन त्याने वैतागुन हॉटेलच्या किचनमधेच अँगलला साडी बांधुन गळफास घेतला. ही घटना ३० ऑगस्ट रोजी सकाळी आसपासच्या नागरिकांनी दुर्गधी येत असल्याची माहिती पोलीसांना कळविल्यानंतर पोलीस घटनास्थळी गेले असता हा प्रकार उघडकीस आला असून त्यांच्या जवळ सापडलेल्या कागदपत्रावरून त्याची ओळख पटली आहे. त्याचे नांव कुलदिपसिंग सोलसिंग मरावी असे असून तो मध्यप्रदेशचा रहिवासी असल्याचे उघड झाले आहे.
याबाबत पोलीस निरीक्षक सुर्यकांत कोकणे यांच्या मार्गदर्शनाखाली सहाय्यक पोलीस निरीक्षक बी.आर. बाडीवाले, ढाकणे, व्ही.जी. माने, ए.जी बोरकर, ए.ई. जाधव तपास करीत आहेत.
The body had been hanging in the hotel for two months; Suicide of a worker in Mohol
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
