टीम मंगळवेढा टाईम्स ।
कार्तिकी यात्रा व्हावी अशी श्री विठ्ठल रुक्मिणी मंदिर समितीची इच्छा आहे. त्याचबरोबर वारी नियमति व्हावी, अशीही इच्छा आहे. मात्र, शासन निर्णयाच्या अधिन राहून वारी भरवावी.
याकरीता जिल्हाधिकारी यांना प्रस्ताव पाठवण्यात आला आहे अशी माहिती मंदिर समितीचे सहअध्यक्ष गहिनीनाथ महाराज औसेकर यांनी दिली.
कार्तिकी वारीतील एकादशीचा मुख्य सोहळा दि. 15 रोजी साजरा होत आहे. श्री विठ्ठल मंदिर दर्शनाकरीता खूले झालेले आहे. त्यामुळे कार्तिकी यात्रा भरवावी की नाही? याबाबत रविवारी मंदिर समितीची सहअध्यक्ष औसेकर महाराज यांच्या अध्यक्षतेखाली बैठक झाली.
या बैठकीत कार्तिकी यात्रा भरवण्यासाठी श्री विठ्ठल रुक्मिणी मंदिर समिती सज्ज असल्याची माहिती दिली. याबाबत जिल्हाधिकारी सोलापूर यांना बैठकीनंतर मंदिर समितीकडून प्रस्ताव पाठवण्यात आल्याचे ही औसेकर यांनी सांगीतले.
औसेकर महाराज पुढे म्हणाले की, 17 एप्रिल 2020 पासून कोरोनाच्या पार्श्वभूमीवर यात्रा बंद झाल्या. मात्र सध्या कोरोनाचे सावट कमी झाले आहे.
शासन निर्णयानुसार येणार्‍या प्रत्येक भाविकाला मास्क, सोशल डिस्टन्स व सॅनिटायझरचा वापरणे करणे बंधनकारक करण्यात येणार आहे.
येणार्‍या सर्व भाविकांची गैरसोय होणार नाही, भाविकांची काळजी घेण्यास मंदिर समिती तयार आहे. त्यामुळे सकारात्मक दृष्टिकोनातून मंदीर समिती यात्रेसाठी सज्ज असल्याचेही औसेकर यांनी सांगितले.
कार्तिकी यात्रेला येणार्‍या जास्तीत जास्त भाविकांना श्री विठ्ठलाचे दर्शन मिळावे म्हणून दशमी, एकादशी व द्वादशी दिवशी ऑनलाईन दर्शन बंद राहणार आहे.
त्याचबरोबर पलंग काढल्यापासून ते प्रक्षाळपूजेपर्यंत ऑनलाईन दर्शन बंदच असणार असल्याचे औसेकर यांनी सांगीतले. यावेळी मंदिर समितीचे सदस्य संभाजी शिंदे, शकुंतला नडगिरे, ज्ञानेश्‍वर महाराज जळगावकर, व्यवस्थापक बालाजी पुदलवाड,
दि. 27 ऑक्टोबर रोजी जिल्हाधिकारी यांनी कार्तिकी यात्रेच्या धर्तीवर 65 एकर, चंद्रभागा वाळवंट, वाखणी पालखी तळ अशा विविध ठिकाणी भेटी देवून पाहणी केली होती.
पाहणी नंतर कार्तिकी यात्रेबाबत मंदिर समितीने प्रस्ताव सादर केल्यास शासनाला प्रस्ताव पाठवून निर्णय शासन निर्देशानुसारच घेण्यात येईल, असे सांगीतले होते.
त्यानुसार दि. 31 रोजी मंदिर समितीने कार्तिकी यात्रा भरवण्यास सकारात्मक असल्याचा जिल्हाधिकारी सोलापूर यांना प्रस्ताव पाठवला आहे.(स्रोत:सामना)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
