टीम मंगळवेढा टाईम्स ।
भाळवणी येथून हाजापूरकडे निघालेल्या मोटर सायकलस्वाराने जीपला धडक दिल्याने डोकीस मार लागून जखमी होवून उपचारादरम्यान प्रकाश गणपती वाडेकर (वय ३९ रा.भाळवणी) याचा मृत्यू झाला असून या घटनेची मंगळवेढा पोलिसात नोंद झाली आहे.
या घटनेची हकिकत अशी, यातील मयत प्रकाश वाडेकर हे दि .८ रोजी दुपारी ३.०० वा भाळवणी येथून हाजापूरकडे मोटर सायकलवरून जात असताना स्वामी यांचे वस्तीजवळ समोरून येणाऱ्या जीपला धडकल्याने डोक्याला मार लागून जखमी झाल्याने प्रथमतः मंगळवेढयात खाजगी रुग्णालयात उपचारासाठी दाखल केले.
पुढील उपचारासाठी सोलापूर येथे खाजगी दवाखान्यात दाखल केले होते. उपचार सुरु असतानाच तो मयत झाला असल्याची खबर डॉ.पल्लवी मेहता यांनी पोलिसात दिली असून अकस्मात मयत अशी नोंद झाली आहे.
सलगर येथे विवाहितेचा विनयभंग
मंगळवेढा तालुक्यातील सलगर बु. येथे एका ३५ वर्षीय विवाहित महिलेच्या घरात अनधिकृतपणे प्रवेश करून तू घर खाली कर, सामान घेवून जा असे म्हणून तीचा विनयभंग केल्याप्रकरणी राजू देवाप्पा तेली याच्याविरूध्द गुन्हा दाखल करण्यात आला आहे.
पोलिस सुत्रांनी दिलेली माहिती अशी, यातील फिर्यादी व तीचा मुलगा व मुलगी असे दि.३१रोजी सकाळी ८.०० वा.घरात असताना आरोपीने अनधिकृतपणे घरात प्रवेश करून तू घर खाली कर, सामान घेवून जा असे म्हणत शिवीगाळ व दमदाटी करून हाताने व लाथाबुक्यांनी मारहाण केली.
तसेच वाईट उद्देशाने पिडीतेचा हात पकडून तीच्या मनास लज्जा वाटेल असे कृत्य केल्याचे दिलेल्या फिर्यादीत म्हटले आहे.याचा अधिक तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
