राज्यात येत्या काळात ‘या’ गोष्टीचा तुटवडा भासणार; टंचाई दूर करा मुख्यमंत्री उद्धव ठाकरे यांचे आवाहन

टीम मंगळवेढा टाईम्स ।

कोरोना काळात राज्यातील रुग्णालयांमध्ये मोठ्या प्रमाणावर रक्ताची टंचाई भासत आहे. अवघे पाच ते सात दिवसांचाच रक्तसाठा रुग्णालयांत असून रक्ताची कमतरता जाणवत आहे.

अशा परिस्थितीत रुग्णांना जीवनदान देण्यासाठी स्वयंस्फूर्तीने रक्तदान करा, रक्ताची टंचाई दूर करण्यासाठी पुढाकार घ्या, असे आवाहन मुख्यमंत्री उद्धव ठाकरे यांनी आज केले.

रक्तपेढय़ा तसेच रुग्णालयांत मोठय़ा प्रमाणावर रक्ताचा तुटवडा निर्माण झाला आहे. कोरोनाविरुद्धच्या लढय़ात डॉक्टर, पोलीस, आरोग्य कर्मचारी आपले योगदान देत आहेत.

परंतु रक्तपेढय़ांमध्ये रक्ताचा साठा कमी असल्याने रुग्णांना अडचणींचा सामना करावा लागत असल्याने मुख्यमंत्री उद्धव ठाकरे यांनी रक्तदानाचे जनतेला आवाहन केले.

रक्तदान यज्ञ करा

राज्यातील राजकीय, धार्मिक, सामाजिक संस्था व गृहनिर्माण सोसायटी यांनी कोरोनाविषयक काळजी घेऊन छोटय़ा- छोटय़ा रक्तदान शिबिरांचे आयोजन करावे.

स्वैच्छिक रक्तदात्यांनीदेखील नजीकच्या रक्तपेढीमध्ये जाऊन रक्तदान करावे, असे आवाहन मुख्यमंत्र्यांनी केले.

याआधी सुद्धा गणेशोत्सवाच्या काळात सण अत्यंत साधेपणाने साजरा करण्यात आला. परंतु मुंबईसह राज्यातील विविध मंडळांनी कोरोनाची परिस्थिती पाहता रक्तदान शिबीराचे आयोजन केले होते. त्यावेळी सुद्धा उद्धव ठाकरे यांनी आवाहन केले होते.

राज्यातील कोरोनाच्या परिस्थिती संदर्भात बोलायचे झाल्यास आज दिवसभरात 6776 कोरोनाचे रुग्ण बरे झाले असून आतापर्यंत 17 लाख 10 हजार 50 रुग्णांनी कोरोनावर मात केली आहे. त्याचबरोबर आज नवे 5229 कोरोनाचे रुग्ण आढळले असून एकूण कोरोना बाधितांची संख्या 18 लाख 42 हजार 587 वर पोहोचली आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 9970 76 6262 या नंबरला WhatsApp करा आणि लिहा “Mangalwedha Times News”

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज