मंगळवेढा टाईम्स वृत्तसेवा:-
अर्जुनसोंड येथील उजनी कॅनॉलमध्ये आढळलेल्या महिलेच्या मृतदेहाची ओळख पटविण्यात पोलिसांना यश आले आहे. सोनाली बाबासाहेब काकेकर (रा.कागष्ट,ता. मंगळवेढा) असे मृत महिलेचे नाव आहे. अनैतिक संबंधातून तिचा खून केल्याप्रकरणी सत्यवान सुनील डोके, सुनील ज्ञानदेव डोके (रा. इंचगाव, ता. मोहोळ) या संशयितांना मोहोळ पोलिसांनी चौकशीसाठी ताब्यात घेतले आहे.
बातम्या व जाहिरातीसाठी संपर्क : 7588214814
सविस्तर वृत्त असे : 14 नोव्हेंबर 2018 रोजी सायंकाळी 5 वाजता अर्जुनसोंड येथील उजनी कॅनॉलमध्ये एका महिलेचा मृतदेह पोत्यात बांधून टाकलेल्या अवस्थेत आढळला होता. याप्रकरणी मोहोळ पोलिसांत खून करून पुरावा नष्ट केल्याप्रकरणी अज्ञात आरोपींविरोधात गुन्हा दाखल करण्यात आला होता.
मात्र, मृत महिलेची ओळख पटली नव्हती. त्यामुळे सहायक पोलिस निरीक्षक विक्रांत बोधे यांनी मृतदेहाचे फोटो जिल्ह्यातील सर्व पोलिस ठाण्यांत तसेच सोशल मीडियावर पोस्ट करून ओळख पटविण्याचे आवाहन केले होते.
याप्रकरणी 14 डिसेंबर रोजी हा मृतदेह मोहोळ तालुक्यातील इंचगाव येथील सोनाली बाबासाहेब काकेकर हिचा असल्याची माहिती मिळाली. त्यानुसार पोलिस निरीक्षक सूर्यकांत कोकणे यांनी मृताच्या नातेवाईकांना मृतदेहाचे कपडे व फोटो दाखविले. त्यामुळे हा मृतदेह सोनाली काकेकर हिचाच असल्याची खात्री झाली. हा खून अनैतिक संबंधातून झाला असल्याची शक्यता पोलिसांनी वर्तविली आहे. याप्रकरणी इंचगाव येथील सत्यवान सुनील डोके, सुनील ज्ञानदेव डोके या दोघा संशयितांना पोलिसांनी चौकशीसाठी ताब्यात घेतले. शनिवारी त्यांना अटक केली असून रविवार, 16 डिसेंबर रोजी न्यायालयात हजर केले जाणार आहे.
आरोपींनी सोनालीचा खून नेमका कोणत्या ठिकाणी केला, कोणत्या हत्याराने केला आहे तसेच आरोपींनी खून केल्यानंतर प्रेत कोणत्या ठिकाणावरुन उजनी कॅनॉलमध्ये टाकले होते अथवा त्यांचे कोणी अन्य साथीदार आहेत का याचा तपास करण्याचे कठीण आव्हान पोलिसांसमोर आहे. पोलिस अधीक्षक मनोज पाटील यांच्या मार्गदर्शनाखाली या गुन्ह्याचा पुढील तपास पोलिस निरीक्षक सूर्यकांत कोकणे हे करीत आहेत. हेड कॉ. विलास रणदिवे, फैयाज बागवन, पोलिस नाईक शरद ढावरे, पो.कॉ. अयुब मुलाणी यांच्या पथकाने या गुन्ह्याचा छडा लावण्यात महत्त्वाची भूमिका बजावली.
नात्याला फासला काळीमा…
इंचगाव महिलेचे माहेर असून मंगळवेढा तालुक्यातील कागष्ट हे तिचे सासर आहे गेल्या अनेक वर्षापासून ती पतीपासून विभक्त राहत होती. अकरा वर्षांनी लहान असलेल्या चुलत भाऊ सत्यवान डोके याच्या बरोबर अनैतिक संबंध प्रस्थापित केले होते शिवाय ती सत्यवान यास त्रास देत असल्याने त्याने स्वतःचे वडील सुनील डोके यांच्याशी संगनमत करून तिचा काटा काढल्याची माहिती समोर आली आहे त्या दिशेने मोहोळ पोलिस तपास करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
