समाधान फुगारे : मंगळवेढा
मंगळवेढा-पंढरपूर विधानसभा निवडणुकीत राष्ट्रवादी काँग्रेसच्यामधून विद्यमान आमदार भारत भालके, काँग्रेसकडून प्रा.शिवाजीराव काळुंगे तर अपक्ष म्हणून शैला गोडसे यांनी आज मोठे शक्ती प्रदर्शन करून अर्ज दाखल केले आहेत. तर उद्या समाधान आवताडे हे देखील शक्ती प्रदर्शन करुन अपक्ष उमेदवारी अर्ज दाखल करणार आहेत.
शिवसेनेच्या हक्काची असलेली पंढरपूरची जागा रयत क्रांतीला दिल्यामुळे शिवसैनिकांच्या भावना तीव्र झाल्याने शिवसेनेतून इच्छुक असलेल्या शैला गोडसे यांना अपक्ष अर्ज दाखल करण्याचा आग्रह केल्याने अखेर त्यांनी आज आपला उमेदवारी अर्ज दाखल केला. त्यामुळे या मतदारसंघात बंडखोरी झाली आहे ही बंडखोरी रोखण्याचे आव्हान पक्षाच्या नेत्या समोर उभे राहिले आहे.
काँग्रेस मधून राष्ट्रवादी काँग्रेस मध्ये प्रवेश केलेले विद्यमान आमदार भारत भालके यांनी देखील मोठे शक्ती प्रदर्शन करून आज उमेदवारी अर्ज दाखल केला आहे मात्र आघाडी निच्छित झाली असताना देखील काँग्रेस पक्षाच्या वतीने प्रा.शिवाजीराव काळुंगे यांची उमेदवारी काल रात्री जाहीर करण्यात आली होती त्यांनी देखील आज अर्ज दाखल केला आहे.
मंगळवेढा येथे आज आवताडे गटाची विचार विनिमय बैठक पार पडली यामध्ये समाधान आवताडे हे अपक्ष उमेदवारी उद्या शेवटच्या दिवशी दाखल करणार असले तरी ही निवडणूक बहुरंगी होणार असल्याचे चित्र सध्यातरी दिसत आहे.
आघाडीतील जागावाटपाचा घोळ पंढरपुरातून उघड झाल्यामुळे कार्यकर्त्यांनी युती धर्म पाळायचा की नाही असे संकट काँग्रेसच्या नेत्यांनी आणून ठेवले आहे यावर काय तोडगा निघतो, की आघाडीत बिघाडी होते, याकडे लक्ष लागले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
