टीम मंगळवेढा टाईम्स ।
रस्ता ओलांडणाऱ्या दोन चिमुरड्या भावांना अज्ञात भरधाव दुचाकीने जोराची धडक दिली. या भीषण अपघातात ३ वर्षांच्या ‘ओम’ नावाच्या बालकाचा जागीच मृत्यू झाला आहे.
धडक दिल्यानंतर दुचाकीस्वार जखमी मुलाला मदत करण्याऐवजी घटनास्थळावरून पसार झाला असून, या घटनेमुळे मेटकरवाडी परिसरात मोठी खळबळ उडाली आहे.
नेमकी घटना काय?
मिळालेल्या माहितीनुसार, मेटकरवाडी (ता. मंगळवेढा) येथील रहिवासी आकाश सुभाष वाघमोडे यांचा मुलगा ओम (वय ३ वर्ष) आणि त्याचा भाऊ सागर हे दोघे २७ मार्च २०२६ रोजी दुपारी दीडच्या सुमारास घरासमोरील रस्ता ओलांडून पायी चालत जात होते.
यावेळी नांदेश्वरकडून पाटखळ रोडच्या दिशेने जाणाऱ्या एका अज्ञात दुचाकीस्वाराने रस्त्यावरील परिस्थितीकडे दुर्लक्ष करत, अत्यंत निष्काळजीपणे आणि वेगाने दुचाकी चालवून ओमला जोराची धडक दिली.
अपघात करून चालक पसार
या धडकेत ओम गंभीर जखमी झाला आणि त्याचा दुर्दैवी मृत्यू झाला. धक्कादायक बाब म्हणजे, अपघात झाल्यानंतर जखमी बालकाला उपचारासाठी मदत करण्याऐवजी संबंधित अज्ञात दुचाकीस्वार दुचाकीसह घटनास्थळावरून वेगाने पसार झाला.
पोलिसांत गुन्हा दाखल
याप्रकरणी वडील आकाश वाघमोडे यांनी मंगळवेढा पोलीस ठाण्यात तक्रार दिली आहे. पोलिसांनी या घटनेची गांभीर्याने दखल घेत अज्ञात दुचाकीस्वाराविरुद्ध भारतीय न्याय संहिता (BNS) कलम २८१, १०६, १२५(अ), १२५(ब) आणि मोटार वाहन कायद्याच्या विविध कलमान्वये गुन्हा दाखल केला आहे.
पुढील तपास पोलीस निरीक्षक यांच्या मार्गदर्शनाखाली पोलीस नाईक दुधाल हे या प्रकरणाचा अधिक तपास करत असून पसार झालेल्या आरोपीचा शोध सुरू आहे.
एका निष्पाप चिमुरड्याचा अशा प्रकारे अपघाती मृत्यू झाल्याने मेटकरवाडी गावावर शोककळा पसरली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
