टीम मंगळवेढा टाईम्स।
मंगळवेढा तालुक्यातील 26 ग्रामपंचायत निवडणुकीसाठी 52 हजार 310 पैकी 42 हजार 620 मतदारांनी मतदानाचा हक्क बजावून चुरशीने 81.48 % इतके मतदान झाल्याची माहिती तहसीलदार मदन जाधव यांनी दिली.
आज दि.6 नोव्हेंबर रोजी निकाल जाहीर होणार आहे मात्र निकालातून कौल आपणाला लागावा म्हणून अनेकांनी आपल्या ग्रामदैवताना साकडे घातले.
70 उमेदवार सरपंच पदासाठी तर एकूण 517 उमेदवार सदस्य पदासाठी आपले नशीब आजमावत आहेत. या निवडणुकीसाठी 94 केंद्रावरती सकाळी 7.30 वाजता मतदानात सुरुवात झाली
52 हजार 310 मतदारांपैकी पुरूष 22 हजार 558 व स्त्री 20 हजार 62 अशा 42 हजार 620 मतदारांनी मतदानाचा हक्क बजावला.
मंगळवेढा तालुक्यातील ब्रम्हपुरी ग्रामपंचायत बिनविरोध झाली. तर हिवरगाव या ग्रामपंचायतीमध्ये सरपंच व सहा सदस्य बिनरोध निघाले मात्र एका जागेसाठी ही निवडणूक लागली.
एकूण 26 सार्वत्रिक व एका पोट निवडणूकीसाठी मतदान प्रक्रिया राबवली. काल सकाळ पासून मतदारांनी रांगा लावल्या. सकाळच्या सत्रात 14 टक्के तर साडेअकरा वाजता 32 टक्के इतके मतदान झाले दुपारनंतर मतदानामध्ये वेग घेतला.
ग्रामीण भागात आपापल्या गटाला मतदान करून घेण्यासाठी दुचाकी,चार चाकी वाहनाचा वापर करून मतदारांना घरातून आणून त्यांचे मतदान करून घेतले. काही गावात किरकोळ वादाचे प्रसंग देखील उद्भवले.
मतदानानंतर उमेदवाराच्या समर्थकानी आकडेवारी घेत आपण आपल्या प्रभागातून किती मताधिक्य घेऊ शकतो आणि विजयी कसे होऊ शकतो याचे गणित मांडण्यात जुळण्यात व्यस्त झाल्याचे दिसून आले.
गावनिहाय झालेले मतदान कंसात एकूण मतदान
देगाव 695 (766), बठाण 1811(2144), उचेठाण 957 (1156), चिक्कलगी 1565(1994), भाळवणी 1699 (2055), जंगलगी 1142 (1309), डिकसळ 429(514), खुपसंगी 2439 (2935), निंबोणी 2611(3449), लक्ष्मी दहिवडी 4180 (5243), आंधळगाव 3065(3935), जालिहाळ 2935 (2935), हिवरगाव 305 (358) शेलेवाडी 953(1039),
महमदाबाद हुन्नर 1766 (2056), नंदूर 2482 (3756), जुणोनी 896 (1115), मानेवाडी 1302(1518), रड्डे 3089 (4058), लोणार 1911 (2183) , पडोळकरवाडी 1573(1735), अकोले 1216(1428) खडकी 1197(1410), , शिरशी 1114 (1597), रेवेवाडी 1193 (1335),मुंढेवाडी 1090(1331), लमाणतांडा पोटनिवडणूक 293(497),
15 टेबलवर 7 फेऱ्यात मतमोजणी
पहिली फेरी – शेलेवाडी, शिरसी, खडकी, जुनोनी, देगाव
दुसरी फेरी :-अकोले, बठाण, उचेठाण, महमदाबाद हुन्नूर, रेवेवाडी, तिसरी फेरी – चिक्कलगी, भाळवणी, जंगलगी डिकसळ, मुंढेवाडी
चौथी फेरी – खुपसंगी, निंबोणी, लोणार, लमाण तांडा, मानेवाडी, पाचवी फेरी- लक्ष्मी दहिवडी, रड्डे, सहावी फेरी – नंदुर, आंधळगाव, पडोळकरवाडी, सातवी फेरी – जालीहाळ, हिवरगाव
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज