टीम मंगळवेढा टाईम्स।
सोलापूर जिल्हा सहकारी दूध संघाच्या १६ जागांसाठी आज मतदान होत आहे. बाळे येथील ज.रा.चंडक प्रशालेत मतदान बुथ असणार आहे.
या निवडणुकीत सर्व मतदारांनी मतदानाचा हक्क बजावावा, असे आवाहन जिल्हा उपनिबंधक कुंदन भोळे यांनी केले आहे.
सोलापूर जिल्हा सहकारी दूध संघाच्या एकूण १७ जागांसाठी निवडणूक प्रक्रिया सुरू आहे. दीपक माळी हे यापूर्वीच बिनविरोध निवडून आले आहेत. त्यामुळे १६ जागांसाठी मतदान होत आहे.
चारशे मतदारांसाठी एक बुथ असा सहकार निवडणूक प्राधिकरणाचा नियम आहे.
दूध संघाचे केवळ ३१६ मतदार असल्याने बाळे येथील चंडक प्रशालेत एकमेव बुथची व्यवस्था करण्यात आली आहे.
मतदानानंतर त्याच ठिकाणी लगेच मतमोजणी होणार आहे. या निवडणूक प्रक्रियेसाठी एकूण ७ कर्मचारी असणार आहेत.
मंगळवेढा तालुक्यातील ७२, अक्कलकोट तालुक्यातील ७, पंढरपूर तालुक्यातील १३, उत्तर तालुक्यातील १७, दक्षिण सोलापूर तालुक्यातील १७, माढा तालुक्यातील २८ ,
बार्शी तालुक्यातील २८ , सांगोला तालुक्यातील ३४ , करमाळा तालुक्यातील ३ ९ आणि मोहोळ तालुक्यातील ६१ एकूण ३१६ मतदार निवडणुकीचा हक्क बजावतील.(स्रोत:पुण्यनगरी)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
