टीम मंगळवेढा टाईम्स ।
मंगळवेढा येथील संत चोखामेळा स्मारकाची जागा लवकरच निश्चित करून भव्य असे स्मारक उभारले जाणार असल्याची माहिती जिल्हाधिकारी मिलिंद शंभरकर यांनी दिली आहे.
मंगळवेढा तहसील कार्यालयात आयोजित केलेल्या बैठकीत ते बोलत होते.
याप्रसंगी आ.समाधान आवताडे, रतनचंद शहा बँकेचे अध्यक्ष राहुल शहा, मुख्याधिकारी निशिकांत प्रचंडराव, उपविभागीय अधिकारी आप्पासाहेब समीनदर, उपविभागीय पोलीस अधिकारी राजश्री पाटील, शशिकांत चव्हाण, गौरीशंकर बुरकुल, अजित जगताप, प्रवीण खवतोडे, अविनाश शिंदे, प्रा.येताळा भगत, अँड.नंदकुमार पवार, मारुती वाकडे, जयराम शेंबडे, बबलू सुतार आदीजन उपस्थित होते.
जिल्हाधिकारी शंभरकर पुढे बोलताना म्हणाले की, दोन दिवसांपूर्वी प्राथमिक स्वरूपाची बैठक घेतली होती. आज प्रत्यक्षात जागा पाहणी केली आहे. पूर्ण जागा पहिली असून दोन जागा नियोजित केल्या आहेत त्यापैकी एका जागेवर स्मारक उभारले जाईल.
यामध्ये संत साहित्य आदी यासाठी विकसित केले जाणार आहे. दोन जागे संदर्भात संपूर्ण माहिती देण्यासाठी अधिकाऱ्यांना सूचना दिल्या आहेत.
दुकानदार यांच्यासाठी जागेबद्दल विचारधीन आहे त्याबद्दल एक संघ निर्णय घेतला जाईल. आयुक्तांकडे या संदर्भात बैठक झाली असल्याचे त्यांनी सांगितले.
प्रस्ताव पाठवा मी शासनस्तरावर मार्गी लागून घेतो : आ.आवताडे
आ.आवताडे म्हणाले की, मंगळवेढा संतांची भूमी असून आजपर्यंत उपेक्षित राहिली आहे. जिल्हाधिकारी मिलिंद शंभरकर यांच्या कार्यकाळात हे स्मारक पूर्ण होण्यासाठी प्रयत्न केले जाणार आहेत.
संत आणि संतांचे साहित्यच उपेक्षित राहिले आहेत. संतांच्या भूमीत एवढे मोठे संत होऊन गेले आहेत. आपण प्रस्ताव पाठवा मी शासनस्तरावर मार्गी लागून घेतो असे आश्वासन त्यांनी दिले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज