टीम मंगळवेढा टाईम्स (प्रतिनिधी) :
केवळ १५ वर्षांच्या यशस्वी वाटचालीत १,५०१ कोटी रुपयांच्या ठेवींचा ऐतिहासिक टप्पा पूर्ण करण्याची उल्लेखनीय कामगिरी धनश्री मल्टीस्टेट को-ऑपरेटिव्ह क्रेडिट सोसायटी लि., मंगळवेढा या संस्थेने केली आहे.
ग्राहकांचा अढळ विश्वास, पारदर्शक व शिस्तबद्ध कारभार, ग्राहकाभिमुख सेवा आणि दूरदृष्टीपूर्ण नेतृत्वाच्या जोरावर धनश्रीने सहकार क्षेत्रात आपली स्वतंत्र ओळख निर्माण केली असून विश्वासाचे नवे शिखर गाठले आहे, अशी माहिती संस्थेचे चेअरमन प्रा. शिवाजीराव काळुंगे यांनी दिली.
धनश्री मल्टीस्टेटने पंधरा वर्षांच्या कालावधीत गाठलेला १,५०१ कोटींच्या ठेवींचा टप्पा हा केवळ आर्थिक प्रगतीचा आकडा नसून हजारो
ठेवीदार, खातेदार, सभासद, ग्राहक आणि हितचिंतकांनी संस्थेवर ठेवलेल्या अढळ विश्वासाची पावती आहे.
मंगळवेढ्यातून सुरू झालेली संस्थेची वाटचाल आज महाराष्ट्र आणि कर्नाटक या दोन राज्यांत विस्तारली असून एकूण ३५ शाखांच्या माध्यमातून ग्राहकांना आर्थिक सेवा दिली जात आहे. अल्पावधीत झालेला हा विस्तार धनश्रीच्या कार्यपद्धतीवरील वाढत्या विश्वासाचे द्योतक ठरला आहे.
आर्थिक शिस्त, पारदर्शक व्यवहार, ग्राहकांच्या गरजांना प्राधान्य देणारी सेवा आणि विश्वासार्हतेला केंद्रस्थानी ठेवून संस्थेने सातत्याने प्रगती केली आहे. त्यामुळे धनश्रीने सहकार क्षेत्रात आपली वेगळी ओळख निर्माण केली असून, मंगळवेढ्याच्या सहकार क्षेत्राच्या लौकिकातही भर घातली आहे.
पंधरा वर्षांत ३५ शाखांचा विस्तार आणि १,५०१ कोटींच्या ठेवींचा टप्पा ही संस्थेच्या यशस्वी वाटचालीतील महत्त्वपूर्ण कामगिरी मानली जात आहे.
संस्थेचे चेअरमन प्रा. शिवाजीराव काळुंगे, संचालक प्रा. शोभाताई काळुंगे, व्हाईस चेअरमन युवराज गडदे, संचालिका डॉ राजलक्ष्मी काळुंगे गायकवाड व सर्व संचालक मंडळाच्या दूरदृष्टीपूर्ण नेतृत्वासोबतच संस्थेचे सरव्यवस्थापक रमेश फडतरे, अधिकारी व कर्मचारी यांच्या सातत्यपूर्ण परिश्रमाचा या यशात मोलाचा वाटा आहे.
संचालक मंडळाचे धोरणात्मक निर्णय आणि कर्मचारीवर्गाची कार्यतत्परता यामुळे संस्थेच्या विस्ताराला सातत्याने गती मिळाली.
भविष्यातही ग्राहकांचा विश्वास अधिक दृढ करत आधुनिक व ग्राहकाभिमुख सेवा विस्तारण्याबरोबरच सहकाराच्या मूल्यांना केंद्रस्थानी ठेवून प्रगतीची नवी शिखरे गाठण्याचा संस्थेचा संकल्प आहे. या ऐतिहासिक यशाबद्दल संस्थेच्या सर्व ठेवीदार, खातेदार, सभासद, ग्राहक आणि हितचिंतकांचे धनश्री मल्टीस्टेटच्या वतीने आभार व्यक्त करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
