टीम मंगळवेढा टाईम्स।
विजापूर गुहागर राष्ट्रीय महामार्गावर पाच्छापूर फाट्यानजीक समोरासमोर झालेल्या दोन ट्रकच्या भीषण अपघातात एक जण ठार झाला आहे. व दोघेजण जखमी झाले आहेत .
सिद्धेश्वर मधुकर इंगवले (वय. २२) पाठकळ ता. मंगळवेढा जि. सोलापूर असे ठार झालेल्या तरुणाचे नाव आहे. अन्य दोघेजण गंभीर जखमी झाले आहेत.
यातील एकास शासकीय रुग्णालय मिरज येथे उपचारासाठी दाखल करण्यात आले आहे. ही घटना शनिवारी दुपारी घडली आहे.जखमीची नावे समजू शकले नाहीत. रात्री उशिरापर्यंत गुन्हा नोंद झाला नव्हता.
याबाबत घटनास्थळावरून मिळालेली माहिती अशी, विजापुर गुहागर महामार्गावर जतपासून किलोमीटर अंतरावर असलेल्या पाच्छापूर फाट्यानजीक विजयपूर दिशेने एक मालवाहतूक ट्रक जात होती.
तर दुसरी ट्रक जतकडे जात असताना या दोन्ही ट्रकचा समोरासमोर भीषण अपघात झाला. या ट्रकच्या भीषण अपघातात दोन्ही ट्रक चक्काचूर झाले.
यामध्ये एका ट्रकचा चालक जागीच ठार झाला आहे. मृतदेह व जखमींना बाहेर काढताना मोठी कसरत करावी लागली.
पोलिसांनी ग्रामस्थांच्या मदतीने जखमी व ठार झालेल्या व्यक्तींला बाहेर काढले. व जेसीबीच्या साह्यायाने ट्रक बाजूला काढण्यात आली.
खोळंबलेली वाहतूक पूर्ववत केली. या अपघातात दोन्ही ट्रकचे मोठे नुकसान झाले आहे. एका जखमीस उपचारासाठी सांगली येथील शासकीय रुग्णालयात दाखल करण्यात आले आहे. रात्री उशिरापर्यंत सदरची घटना जत पोलिसात नोंद झाली नव्हती.(स्रोत:पुढारी)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज