टीम मंगळवेढा टाईम्स ।
सोलापूर जिल्ह्यातील ग्रामीण भागातील कोरोना संसर्गाची साखळी तोडण्यासाठी आजपासून ग्रामीण भागात (शहर हद्द वगळून) कडक लॉकडाऊन पुकारण्यात आला आहे.
गावा-गावात मोकाट, विनाकारण फिरणाऱ्यांवर ग्रामीण पोलीस हे ग्रामस्तरीय कृती समितीच्या माध्यमातून वॉच ठेवणार आहेत. कृती समितीला गावात मोकाट फिरणाऱ्यांची नावे लिहून ठेवण्यास सांगितले आहे.
ती नावे पेट्रोलिंग करणाऱ्या पोलिसांकडे दिल्यानंतर संबंधित पोलीस ठाणे संबंधित व्यक्तींवर कडक कारवाई करणार असल्याची माहिती पोलीस अधीक्षक तेजस्वी सातपुते यांनी दिली.
सोलापूर जिल्ह्यात (शहर हद वगळून) कोरोना रुग्णांची संख्या दिवसेंदिवस वाढत आहे. त्यामुळे जिल्हाधिकाऱ्यांनी पोलीस दि.२१ मेच्या सकाळी ७ वाजल्यापासून ते १ जून २०२१ ला सकाळी ७ वाजेपर्यंत कडक सी.आर.पी.सी. १४४ कलम लागू केले आहे.
आदेशातील प्रतिबंधात्मक नागरिकांना उपाययोजना करण्यासाठी प्रत्येक पोलीस स्टेशन स्तरावर आपत्ती व्यवस्थापन बंदोबस्त , नाकाबंदी लावण्यात आलेली आहे.
याशिवाय होम क्वारंटाईन कोरोनाबाधित रुग्णांवर लक्ष ठेवण्यासाठी, कोविड लॉकडाऊन टेस्टिंग रुग्णालय, लॅब, हॉट स्पॉट गावे, उपाययोजनांची हाय अलर्ट गावे आदी ठिकाणी जास्तीचा पोलीस बंदोबस्त ठेवण्यात येणार आहे. गावस्तरावर नियुक्त ग्रामस्तरीय समितीत सरपंच, ग्रामसेवक ,तलाठी, पोलीस पाटील , तंटामुक्त अध्यक्षांचा समावेश आहे.
काय बंद राहणार …
किराणा दुकाने , किरकोळ व ठोक विक्रेत्यांची दुकाने , व्यापारी दुकाने , उपाहारगृहे , लॉज , हॉटेल्स , रिसॉर्ट , मॉल , बाजार , मार्केट , वाईन शॉप , बिअर शॉपी , दारू दुकाने , बेकरी , बाजार समिती , भाजी मार्केट , मटण , चिकन , अंडी , मासे विक्रीची दुकाने , खाद्यपदार्थ विक्रेते , धार्मिक प्रार्थनास्थळे , सिनेमागृहे , सभागृहे , नाट्यगृहे , व्हिडिओ गेम पार्लर , केशकर्तनालये , शाळा महाविद्यालये , क्रीडास्थळे.
हे सुरू राहणार …
रुग्णालये , निदान केंद्र , दवाखाने , लसीकरण केंद्र , वैद्यकीय विमा कार्यालये , औषध दुकाने , औषध कंपन्या , आरोग्य सेवा व व सेवा पुरविणारी उपकरणे , घरपोच दूध विक्री करण्यास सकाळी ६ ते ९ वाजेपर्यंत परवानगी , हॉटेल्स , रेस्टॉरंट , उपाहारगृहांसाठी फक्त घरपोच सेवा सुरू राहणार आहे.
पोलीस स्टेशन देणार पासेस
कडक लॉकडाऊन कालावधीत मेडिकल दुकानदार, घरपोच सेवा देणारी हॉटेल्स , रेस्टॉरंट, उपाहारगृहे, डिलिव्हरी बॉय आदी अत्यावश्यक सेवेत येणाऱ्या नागरिकांना संबंधित नजीकच्या पोलीस ठाण्यातून पास मिळणार आहे. पास नसणाऱ्यांवर कडक कारवाईचे आदेश देण्यात आल्याचेही पोलीस अधीक्षक सातपुते यांनी सांगितले.
वाहन जप्त करून गुन्हे दाखल होणार
विनाकारण व मोकाट फिरणाऱ्या नागरिकांवर कडक कारवाईचे आदेश पोलीस अधीक्षक तेजस्वी सातपुते यांनी पोलिसांना दिले आहेत. घराबाहेर पडणाऱ्यांवर वाहनधारकांची वाहले जप्त करून संबंधित व्यक्तींवर गुन्हा दाखल करण्यात येणार आहे. शिवाय जिल्हाधिकारी मिलिंद शंभरकर यांच्या आदेशान्वये ५०० रुपयांचा दंडही ठोठावण्यात येणार असल्याचेही सांगण्यात आले.
कृषीविषयक दुकानांना दुपारपर्यंत सवलत
शेतकऱ्यांचा खरीप हंगाम महत्वाचा असल्याने पोलीस आयुक्तालय हद्द वगळून ग्रामीण भागातील कृषीविषयक दुकाने आता सकाळी ७ ते दुपारी २ वाजेपर्यंत कोरोनाचे नियम पाळून सुरू राहतील.
याबाबतचे आदेश जिल्हाधिकारी मिलिंद शंभरकर यांनी जारी केले आहेत. शेतकऱ्यांचा खरीप हंगाम आणि राज्य शासनाच्या कृषी आयुकांच्या पत्रानुसार कृषी दुकानांच्या वेळेत शिथिलता ग्रामपंचायत , जिल्ह्यातील नगरपरिषद हद्दीत कृषीविषयक बियाणे , खते , किटकनाशके , शेतीशी निगडीत असलेली कृषी सेवा केंद्र सकाळी ७ ते दुपारी २ या काळात चालू राहतील.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
