मंगळवेढा टाईम्स सांगोला ।
सांगोला तहसील कार्यालयात आयोजित बैठकीदरम्यान शासकीय कामकाजात अडथळा निर्माण करणे, अपमानास्पद भाषा वापरणे, खोटे आरोप करून बद्नामी करण्याचा प्रयत्न
तसेच फोनवर दमदाटी केल्याप्रकरणी एका ई-सेवा केंद्र चालकाविरुद्ध सांगोला पोलिस ठाण्यात तक्रार दाखल करण्यात आली आहे.
पोलिसांनी दिलेल्या माहितीनुसार, फिर्यादी बाळुताई भागवत (क्य ४३), तहसीलदार तथा तालुका दंडाधिकारी, सांगोला यांनी दिलेल्या फिर्यादीनुसार, दि. ११ मे रोजी सायंकाळी तहसील कार्यालयात सांगोला तालुक्यातील
ई-सेवा केंद्र व महा-ऑनलाइन केंद्र चालकांची बैठक आयोजित करण्यात आली होती. बैठकीत नागरिकांना शासकीय सेवा पुरविणे व केंद्रांच्या कामकाजासंदर्भात चर्चा सुरू असताना
पाचेगाव खुर्द येथील महेश मुरलीधर गुरव यांनी आक्रमक भूमिका घेत अपमानास्पद व उद्धट भाषेत बोलत बैठकीतील वातावरण बिघडवून शासकीय कामकाजात अडथळा निर्माण केल्याचा आरोप फिर्यादीत करण्यात आला आहे.
या प्रकारामुळे शासकीय कामकाजात दबाव निर्माण होऊन मानसिक त्रास व भीतीची भावना निर्माण झाल्याचे फिर्यादीत नमूद करण्यात आले आहे.
या प्रकरणी सांगोला पोलीस ठाण्यात महेश मुरलीधर गुरव (रा. पाचेगाव खुर्द, ता. सांगोला) यांच्याविरुद्ध कायदेशीर तक्रार दाखल करण्यात आली असून पुढील तपास पोलीस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
