शेत जमिनीच्या वादातून मंगळवेढयाचे दिवंगत जिल्हाधिकाऱ्यांच्या मुलास मारहाण

टीम मंगळवेढा टाईम्स ।

मंगळवेढा तालुक्यातील मरवडे येथील वडिलोपार्जित शेतजमीनीमध्ये पेरणीकरिता वापसा आला आहे का? हे पाहण्यासाठी गेलेल्या दिवंगत माजी जिल्हाधिकारी विजय पवार यांचा मुलगा गौरव विजयकुमार पवार (वय २६ रा.सोलापूर ) मुळगाव मरवडे यास चुलती व चुलतबंधूने मारहाण व शिवीगाळ करत विनयभंगाची खोटी केस दाखल करून भविष्य अंधकारमय करण्याची धमकी दिल्याप्रकरणी संजीवनी भारत पवार व अक्षय भारत पवार या आई व मुलाविरोधात मंगळवेढा पोलीस ठाण्यात गुन्हा दाखल करण्यात आला आहे.

फिर्यादी गौरव विजयकुमार पवार हे असून घटना दि.३ जुलै रोजी रात्री ८ वाजण्याच्या सुमारास घडली आहे. रात्री उशिरा गुन्हा दाखल करण्यात आला आहे.

याबाबत सविस्तर माहिती अशी , फिर्यादी गौरव विजयकुमार पवारचे वडील दिवंगत जिल्हाधिकारी विजय पवार यांचे दोन वर्षांपूर्वी निधन झाले असून आजोबांच्या नावावर असलेली मरवडे येथील शेतजमीन गट क्रमांक ६६ ही पेरणी करण्यासाठी वापसा आला आहे का? हे पाहण्यासाठी चुलत बंधू अँड.शिरीष राजाराम पवार यांच्याबरोबर गेल्यानंतर,

सदर शेतजमिनीमध्ये चुलती संजीवनी भारत पवार व चुलत भाऊ अक्षय भारत पवार हे ट्रॅक्टरच्या साह्याने पेरणी करत होते, त्यावेळी फिर्यादी गौरव पवार याने त्यांना आमच्या वहीवाटीची शेताची पट्टी आहे, तुम्ही येथे का पेरणी करीत आहात असे विचारला असता येथे यायचे नाही, असे म्हणून तू , या शेतात आला तर तुझ्यावरती खोटी विनयभंगाची केस करून तुझे पुढील भविष्य खराब करीन , अशी धमकी दिली.

त्यावेळी शेतातून बाहेर पडत असताना चुलती संजीवनी पवार यांनी तुझ्या वडिलांना आम्ही संपवले, तसे तुलाही संपविन असे म्हणून कोयत्याने उजव्या हातावर मारले, तसेच दुधाच्या किटलीने पायावर मारून जखमी केले.

त्यानंतर चुलत बंधू अक्षय पवारने दुचाकीचा धक्का देऊन खाली पाडले. लाथाबुक्याने मारहाण करत जखमी केली, व जीवंत सोडणार नसल्याची धमकी दिल्याप्रकरणी गुन्हा दाखल करण्यात आला, अधिक तपास पोलीस सहाय्यक पोलीस निरीक्षक भगवान बुरसे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.