टीम मंगळवेढा टाईम्स ।
वीज बिलाच्या थकीत रकमेची वसुली करण्यासाठी आलेल्या पथकास विरोध करून दमदाटी केली. बठाण ( ता . मंगळवेढा ) येथे हा प्रकार घडला.
या ग्राहकाविरुद्ध सरकारी कामात अडथळा आणला म्हणून रात्री दहाच्या सुमारास गुन्हा नोंदला आहे. मारुती निवृती शिंदे ( रा.बठाण ) असे गुन्हा नोंदलेल्या ग्राहकाचे नाव आहे.
याबाबत पोलीस सूत्रांनी दिलेल्या माहितीनुसार फिर्यादी तथा वरिष्ठ तंत्रज्ञ आगतराव लक्ष्मण (सलगर , रा.मंगळवेढा) हे शाखा अभियंता भगवान आलदर, वरिष्ठ तंत्रज्ञ संभाजी दोडके,
विद्युत सहायक रवी कांबळे ट्रेनी इंजिनिअर गोपाळ कदम, अशोक ढोणे, सुयश धुमाळ हे बठाण गावात वीज बील थकीत रकमेची वसुली करत होते.
ग्राहक मारुती शिंदे यांच्या घरी गेल्यावर त्यांचे घरावरील पोलला चोरून थेट कनेक्शन घेऊन घरगुती व शेतीच्या अवजारासाठी वापरत असल्याचे आढळून आले. त्याचा फोटो काढला याचा त्याच्या मनात राग होता.
त्यांच्याकडे असणारी १५६० रुपये थकबाकी भरणा करा असे म्हणाले असता त्यांनी आम्हास रस्त्याच्या पलीकडून वीज थकबाकी मागायची ? असे म्हणून वाद घातला व थकबाकीही भरली.
काही अंतरावर येऊन तुम्ही आमच्या घरासमोर कशाला आला व आमच्या डांबावरील वायरचे फोटो कशासाठी काढले म्हणून कर्मचाऱ्याला शिवीगाळ, दमदाटी करून धक्काबुक्की केली, असे सलगर यांनी म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज