टीम मंगळवेढा टाईम्स ।
प्रेमप्रकरणातून पंढरपूर येथील निखिल चांडोले (वय २४) या अभियंता युवकाने रविवारी रात्री पैठण (जि.औरंगाबाद) येथे गळफास घेऊन आत्महत्या केली.
तो निवृत्त नायब तहसीलदार दत्तात्रय चांडोले (रा.विजापूर गल्ली) यांचा एकुलता एक मुलगा होता.
निखिल हा पैठण येथे शिक्षण घेतानाच नोकरी करीत होता. रविवारी दिवसपाळी करून तो खोलीवर आला होता. मध्यरात्री त्याने खोलीतील पंख्याला गळफास घेतला.
सकाळी त्याचा मित्र खोलीवर आल्यावर ही घटना उघडकीस आली. त्याने प्रेमप्रकरणातून आत्महत्या केल्याचा अंदाज पोलिसांनी वर्तवला आहे. निखिल अभियांत्रिकीचे शिक्षण घेत होता.
तसेच पैठण एमआयडीसीतील एका कंपनीत अभियंता म्हणून तो नोकरी करत होता. त्यामुळे सध्या तो पिंपळवाडी येथील आदर्शनगरमध्ये राहत होता.
सेवानिवृत्त नायब तहसीलदार दत्तात्रय चांडोले हे उपविभागीय अधिकारी मंगळवेढा येथे नायब तहसिलदार म्हणून सेवानिवृत्त झाले आहेत.
प्रेमपत्रे सापडली, पोलिसांनी घेतले ताब्यात
निखिल याच्याकडे प्रेमपत्रे सापडली आहेत. एका प्रेमपत्रात तेरे बिन नहीं जीना मर जाना ढोलना असे हिंदी चित्रपटातील गाण्याचे बोल लिहिले आहेत. पोलिसांनी सर्व पत्रे ताब्यात घेतली आहेत. तसेच नातेवाईक आल्यानंतर त्याने का आत्महत्या केली ? कोणाशी त्याचे प्रेमसंबंध होते का ? या प्रश्नांचा उलगडा होण्याची शक्यता आहे.(स्रोत:दिव्य मराठी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
