मंगळवेढा टाईम्स न्युज करमाळा ।
नातीचे नाते रक्ताचे असते, पण सोलापूर जिल्ह्यातील करमाळा तालुक्यात याच नात्याला काळीमा फासणारी एक धक्कादायक घटना घडली आहे.
सतत किरकिर करते या शुल्लक कारणावरून एका नातीने आपल्या ८२ वर्षांच्या अर्धांगवायू झालेल्या आजीची दगडावर डोके आपटून निर्घृण हत्या केली आहे. विहाळ गावात घडलेल्या या प्रकारामुळे संपूर्ण जिल्ह्यात खळबळ उडाली असून माणुसकीवर प्रश्नचिन्ह उपस्थित झाले आहे.
नेमकी घटना काय?
जनाबाई भगवान सुरवसे (वय ८२, रा. विहाळ) असे मृत वृद्धेचे नाव आहे. त्या गेल्या काही काळापासून अर्धांगवायूने (पक्षाघात) आजारी होत्या.
११ एप्रिल रोजी रात्रीच्या सुमारास जनाबाई यांची नात मनीषा रवींद्र लवंगारे हिचा आजीसोबत वाद झाला. आजी सतत किरकिर करते, या रागाच्या भरात मनीषाने आजीचे हातपाय मोडले आणि त्यानंतर क्रूरपणे डोके दगडावर आपटून त्यांचा जीव घेतला.
’डायल ११२’ मुळे फुटला वाचा
विहाळ येथे यात्रेच्या बंदोबस्तासाठी पोलीस तैनात असतानाच, ‘डायल ११२’ वर एका वृद्ध महिलेला तिची नात मारहाण करत असल्याची तक्रार प्राप्त झाली. पोलिसांनी तातडीने घटनास्थळी धाव घेतली,
मात्र तोपर्यंत जनाबाई यांचा मृत्यू झाला होता. घटनास्थळी रक्ताचे सडे पडलेले होते आणि मृतदेहाच्या डोक्याला गंभीर जखमा होत्या.
आरोपी नात पोलीस कोठडीत
या घटनेप्रकरणी पोलीस हवालदार दीपक घोरपडे यांनी फिर्याद दिली असून, पोलिसांनी संशयित आरोपी नात मनीषा लवंगारे हिला अटक केली आहे. शवविच्छेदन अहवाल प्राप्त झाल्यानंतर अधिकृतरीत्या खुनाचा गुन्हा दाखल करण्यात आला.
न्यायालयाने आरोपी मनीषाला शुक्रवारपर्यंत पोलीस कोठडी सुनावली आहे.
या प्रकरणाचा पुढील तपास पोलीस उपनिरीक्षक ज्ञानेश्वर दळवी करत आहेत. वयोवृद्ध आणि असहाय आजीचा अशा प्रकारे अंत झाल्याने विहाळ परिसरात संताप आणि हळहळ व्यक्त होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
