टीम मंगळवेढा टाईम्स ।
मंगळवेढा-मरवडे रस्त्यावरील लक्ष्मी मंदिराजवळ झालेल्या भीषण अपघातात मंगळवेढा तालुक्यातील आसबेवाडी येथील कै. नारायण रतिलाल आसबे व कै. उमेश गमन खटकाळे यांचे दुर्दैवी निधन झाले.
या घटनेमुळे दोन्ही कुटुंबांवर कोसळलेल्या दुःखाच्या डोंगरात, धनश्री, सिताराम व आष्टी परिवाराने सामाजिक बांधिलकी जपत मदतीचा हात पुढे केला आहे.
संस्थेचे संस्थापक प्रा.शिवाजीराव काळुंगे सर यांनी या दोन्ही कुटुंबांची सांत्वनपर भेट घेऊन त्यांना धीर दिला होता.
यावेळी त्यांनी पीडित कुटुंबातील वारसांना आर्थिक सहाय्य करण्याचे आश्वासन दिले होते. दिलेल्या शब्दाची पूर्तता करत, मयत नारायण आसबे यांची कन्या कु.अधीरा नारायण आसबे आणि
मयत उमेश खटकाळे यांचा मुलगा कु.आदर्श उमेश खटकाळे यांच्या उज्वल भविष्यासाठी प्रत्येकी १०,००० रुपयांची (दामदुप्पट योजना) मुदत ठेव पावती देण्यात आली.
मान्यवरांच्या हस्ते पावती सुपुर्द
सदर ठेव पावतीचे वाटप संस्थेचे संचालक मा. श्री. यादाप्पा माळी (सावकार) आणि व्हाईस चेअरमन श्रीशैल धायगोंडे यांच्या हस्ते करण्यात आले. वडिलांचे छत्र हरवलेल्या या चिमुकल्यांच्या शिक्षण आणि भविष्यासाठी ही मदत नक्कीच आधार ठरेल, असा विश्वास यावेळी व्यक्त करण्यात आला.
याप्रसंगी रतिलाल आसबे, महेश खटकाळे, तानाजी मोरे, राजेश गवळी, राजाराम आसबे यांच्यासह ग्रामस्थ आणि संस्थेचे प्रतिनिधी उपस्थित होते. कठीण काळात काळुंगे सर आणि त्यांच्या परिवाराने दाखवलेल्या या संवेदनशीलतेचे सर्वत्र कौतुक होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
