टीम मंगळवेढा टाईम्स ।
जगभरात रात्री बरोबर 12 च्या ठोक्याला नव्या वर्षाच उत्साहात स्वागत होतं. थर्टी फर्स्ट नाईटबद्दल अनेकांना एक वेगळच आकर्षण आहे. काही लोक मंदिरात, देवदर्शनाने नव्या वर्षाच स्वागत करतात. अनेकांची पार्टीला पसंती असेत. थर्टी फर्स्ट सेलिब्रेशन म्हणजे दारु असं अनेकांना वाटत.
डिसेंबरच्या अखेरच्या आठवड्यात मोठ्या प्रमाणात दारुची विक्री होते. त्यामुळे दारुची दुकान, पब, बार सकाळपर्यंत उघडे ठेवले जातात. दारुचा जणू पूरच त्या रात्री येतो.
दारु पिणं ही चांगली गोष्ट नाही, हीच बाब ध्यानात घेऊन मंगळवेढा पोलीस स्टेशन व वारी परिवाराने दारु पिऊन नव्हे, तर दूध पिऊन नव्या वर्षाच स्वागत करण्याच आवाहन केलय.
देशाची भावी तरूण पिढी व्यसनमुक्त व सजग बनावी या उदात्त हेतूने मंगळवेढा पोलीस स्टेशन व वारी परिवार मंगळवेढा यांच्या संयुक्त विद्यमाने आज रविवार दि ३१ डिसेंबर २०२३ रोजी सायंकाळी ५ ते रात्री १० या वेळेत दामाजी चौकामध्ये दारू नको दूध पिऊया या व्यसनमुक्तपर कार्यक्रमाचे आयोजन करण्यात आलेले आहे.
सदरच्या उपक्रमाचे यावर्षीचे हे सहावे वर्ष असून यावेळी २०० लीटर मोफत मसाला दुधाचे वाटप करण्यात येणार आहे एक पाऊल व्यसनमुक्त समाजाचे हे ब्रीद वाक्य घेऊन पुढे निघालेल्या वारी परिवाराने मंगळवेढा तालुक्यात व्यसनाच्या आहारी गेलेल्या अनेक तरूणांच्या व्यसनमुक्तीसाठी प्रयत्न केलेले आहेत देशाची युवा पिढी जेवढी निरोगी व सशक्त आहे
तितका तो देश सामर्थ्यवान मानला जातो परंतु आजचे युवक पाश्चिमात्य संस्कृतीचे अनुकरण करीत असल्याने ३१ डिसेंबरच्या रात्री नववर्षाच्या स्वागतासाठी दारू पिण्याचे प्रमाण वाढत आहे दारू पिऊन गाडी मारण्याने अपघाताचे प्रमाण वाढत आहे तसेच दारूच्या व्यसनामुळे शरीरिक व मानसिक आरोग्य बिघडत चालले आहे.
त्याचे प्रतिकूल परिणाम येणाऱ्या भावी पिढीवर होऊ नये तसेच राष्ट्र सामर्थ्यवान बनून युवक ध्येयवादी बनण्यासाठी वारी परिवार व मंगळवेढा पोलीस स्टेशन यांच्या वतीने या उपक्रमाचे आयोजन करण्यात आलेले आहे
यावेळी दारू पिण्याचे तोटे व दुध पिण्याचे फायदे सांगन्यात येणार आहेत तरी जास्तीत जास्त नागरिकांनी दामाजी चौकात मसाला दुध पिण्यासाठी उपस्थित रहावे असे आवाहन मंगळवेढा पोलीस स्टेशन व वारी परिवाराच्या वतीने करण्यात आलेले आहे
सदर कार्यक्रमासाठी ॲग्रीक्रॉस एक्सपोर्टस प्रा.लि.पुणे व सोलापूर जिल्हा दूध संघ शाखा मंगळवेढा यांचे विशेष सहकार्य लाभणार आहे
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
