टीम मंगळवेढा टाईम्स ।
आषाढी एकादशीनिमित्त श्री विठ्ठल रुक्मिणीची शासकीय महापूजा करण्यासाठी आज शनिवारी रात्री मुख्यमंत्री एकनाथ शिंदे यांचे पंढरपुरात आगमन होणार आहे.
मुख्यमंत्री शिंदे पंढरपूर दौऱ्यावर येणार असल्याने प्रशासनाने जय्यत तयारी केली आहे. अनेक आमदार आणि कार्यकर्त्यांकडून शहरातील प्रमुख रस्त्यांवर मुख्यमंत्री एकनाथ शिंदे यांच्या स्वागताचे जागोजागी फलक लावण्यात आले आहेत.
आषाढी एकादशीची श्री विठ्ठल रुक्मिणीची शासकीय महापूजा मुख्यमंत्र्यांच्या हस्ते तर कार्तिकी एकादशीची महापूजा उपमुख्यमंत्री यांच्या हस्ते करण्याची प्रथा सुरु आहे.
या प्रथेनुसार मुख्यमंत्री शिंदे यांच्या हस्ते आषाढी एकादशीच्या दिवशी पहाटे महापूजा करण्यात येणार आहे. मुख्यमंत्री एकनाथ शिंदे यांचे शनिवारी रात्री पुण्याहून पंढरपूर येथे आगमन होईल.
रविवारी पहाटे २.३० ते ४.३० वाजता श्री विठ्ठल रुक्मिणी मंदिरात शासकीय महापूजा होईल.
मुख्यमंत्री शिंदे यांचे पंढरीत आगमन होणार असल्याने माजी मंत्री, आमदार तानाजी सावंत, आमदार महेश शिंदे, आमदार शहाजी पाटील आणि माजी आमदार प्रशांत परिचारक आदींच्या कार्यकर्त्यांनी मुख्यमंत्री शिंदे यांच्या स्वागताचे फलक लावले आहेत
आषाढी एकादशीनिमित्त पंढरपूर येथे श्री विठ्ठल-रुक्मिणी मंदिरात प्रथेप्रमाणे रविवार १० जुलै 2022 रोजी मुख्यमंत्री एकनाथ शिंदे यांच्या हस्ते सपत्नीक शासकीय महापूजा होणार आहे.
या महापूजेसाठी आणि विविध कार्यक्रमांसाठी मुख्यमंत्री सोलापूर जिल्ह्याच्या दौऱ्यावर जाणार आहेत. मुख्यमंत्र्यांचा हा दौरा कार्यक्रम पुढीलप्रमाणे असेल.
शनिवार ९ जुलै रोजी पुणे येथून मोटारीने पंढरपूर कडे प्रयाण. पंढरपूर येथे रात्री ११.३० वा. आगमन व शासकीय विश्रामगृह, पंढरपूर येथे आयोजित ‘पर्यावरणाची वारी, पंढरीच्या दारी’ कार्यक्रमाच्या समारोपास उपस्थिती.
रविवार १० जुलै रोजी मध्यरात्री २.३० ते पहाटे ४.३० श्री विठ्ठल रुक्मिणी मंदिरात शासकीय महापूजेसाठी उपस्थिती.
पहाटे ५.३० वा. विठ्ठल मंदिर परिसरातील इस्कॉन आंतरराष्ट्रीय मंदिराचे भूमिपूजन.
पहाटे ५.४५ वा. नदी घाटाच्या लोकार्पण सोहळ्यास उपस्थिती. सकाळी ११.१५ वा. शासकीय विश्रामगृह येथे सोलापूर जिल्हयातील सुंदर माझे कार्यालय या स्पर्धेच्या पारितोषिक वितरणास उपस्थिती.
सकाळी ११.४५ वा. पंचायत समिती पंढरपूर येथे ‘स्वच्छता दिंडी’ समारोपास उपस्थिती. दु. १२.३० वा. पक्ष मेळाव्यास उपस्थिती.
दुपारी ३ वा. मोटारीने सोलापूर विमानतळाकडे प्रयाण व तेथून शासकीय विमानाने मुंबईकडे प्रयाण. सायं. ४.३० वा. मुंबई विमानतळ येथे आगमन व ठाण्याकडे प्रयाण.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज