प्रशासनाचा मोठा निर्णय! सोलापूर ग्रामीण पोलीस दलाचे विभाजन; जाणून घ्या तुमच्या भागातील नवीन उपविभाग; नागरिक व भाविकांना कसा होणार फायदा?

मंगळवेढा टाईम्स न्युज नेटवर्किंग ।

सोलापूर ग्रामीण पोलीस प्रशासनाच्या दृष्टीने एक अत्यंत महत्त्वपूर्ण निर्णय राज्य शासनाने घेतला आहे. तीर्थक्षेत्र पंढरपूर येथील कायदा व सुव्यवस्था, वारी सोहळे आणि वाढत्या नागरीकरणाचा विचार करता पंढरपूर येथे नवीन पोलिस उपमुख्यालय स्थापन करण्यास आणि अपर पोलिस अधीक्षक हे नवीन पद निर्माण करण्यास राज्य शासनाने अधिकृत मान्यता दिली आहे.

महाराष्ट्र शासनाच्या गृह विभागाने २४ जुलै २०२६ रोजी या संदर्भातील शासन निर्णय निर्गमित केला आहे. नव्या पदासाठी निधी व खर्चास मंजुरी गृह विभागाच्या निर्णयानुसार सोलापूर ग्रामीण पोलिस अधीक्षक यांच्या आस्थापनेवर पंढरपूर उपमुख्यालयासाठी अपर पोलिस अधीक्षक हे पद मंजूर करण्यात आले आहे.

या पदनिर्मितीसाठी आवश्यक असणाऱ्या खर्चाला प्रशासकीय मंजुरी देण्यात आली आहे. उपमुख्यालयासाठी आवश्यक असणारे इतर अधिकारी व कर्मचाऱ्यांचे मनुष्यबळ हे सोलापूर ग्रामीण पोलिस अधीक्षक कार्यालयातील उपलब्ध कर्मचाऱ्यांची पुनर्रचना करून पुरवले जाणार आहे.

पोलिस ठाणे व उपविभागांची नवीन रचना अशी…

अपर पोलिस अधीक्षक, सोलापूर क्षेत्र (मुख्यालय : सोलापूर)

सोलापूर उपविभाग : सोलापूर तालुका, मोहोळ अक्कलकोट उपविभाग : कामती, मंद्रुप, सायबर, वळसंग, अक्कलकोट उत्तर, अक्कलकोट दक्षिण बार्शी उपविभाग : बार्शी शहर, बार्शी तालुका, वैराग, पांगरी करमाळा उपविभाग : माढा, कुर्दुवाडी, टेंभुर्णी, करमाळा.

अपर पोलिस अधीक्षक, पंढरपूर २ क्षेत्र (नवीन उपमुख्यालय : पंढरपूर) पंढरपूर उपविभाग : पंढरपूर शहर, पंढरपूर तालुका, पंढरपूर मंदिर सुरक्षा, पंढरपूर ग्रामीण, करकंब मंगळवेढा उपविभाग : सांगोला, मंगळवेढा अकलूज उपविभाग : अकलूज, माळशिरस, नातेपुते, वेळापूर.

नागरिक व भाविकांना कसा होणार फायदा?

गतिमान कायदा व सुव्यवस्था : पंढरपुरात स्वतंत्र उपमुख्यालय व अपर पोलिस अधीक्षक दर्जाचा वरिष्ठ अधिकारी उपस्थित असल्याने आषाढी व कार्तिकी वारीदरम्यान निर्णय प्रक्रियेस गती मिळेल.

गुन्हेगारीवर वचक : पश्चिम सोलापूर जिल्ह्यातील पंढरपूर, सांगोला, मंगळवेढा, माळशिरस/अकलूजमधील गुन्हेगारी नियंत्रणासाठी स्थानिक पातळीवरच वरिष्ठ अधिकाऱ्यांचे नियंत्रण राहील.

प्रशासकीय सोय : स्थानिक नागरिकांना तसेच पोलिस कर्मचाऱ्यांना छोट्या-मोठ्या कामांसाठी सोलापूर मुख्यालयात जाण्याची गरज भासणार नाही.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज