डीचार्ज दिलेल्या ‘कोरोनाग्रस्त’ महिलेचा मृत्यू;रिपोर्ट ‘निगेटिव्ह’ आल्याने दिला होता डिस्चार्ज

मंगळवेढा टाईम्स वृत्तसेवा । पुण्यात आणखी एका कोरोनाग्रस्त महिलेला प्राण गमवावे लागले आहेत. धक्कादायक म्हणजे कोरोनाची लागण झालेल्या महिलेचे रिपोर्ट निगेटिव्ह आल्याने तिला डिस्चार्ज मिळाला होता, परंतु नंतर पुन्हा प्रकृती ढासळल्याने उपचार सुरु असताना तिचा रुग्णालयात मृत्यू झाला.

पुण्यात आतापर्यंत मृत्युमुखी पडलेल्या ‘कोरोना’ग्रस्तांची संख्या तीनवर पोहोचली आहे. पुण्यातील ससून रुग्णालयात काल रात्री ‘कोरोना’ग्रस्त महिलेचा मृत्यू झाला. राज्यात आतापर्यंत 33 ‘कोरोना’बाधित रुग्णांचा मृत्यू झाला आहे.

नेमकं काय झालं?

संबंधित 60 वर्षीय महिला तीन दिवसांपूर्वी नायडू रुग्णालयात दाखल झाली होती. यावेळी ती ‘कोरोना’ निगेटिव्ह असल्याने तिला डिस्चार्ज दिला होता. मात्र घरी गेल्यानंतर इंक्युबेशन पिरेडमध्ये असताना अचानक तिची तब्येत ढासळली. काल तिला ससून रुग्णालयात पुन्हा दाखल करण्यात आलं, मात्र महिलेचा मृत्यू झाला होता. मृत्यूनंतर सॅम्पल चेक केले असता, ती कोरोना पॉझिटिव्ह आढळली.

विशेष म्हणजे या महिलेने परदेशात प्रवास केलेला नाही. त्यामुळे कोरोनाग्रस्त रुग्णाच्या संपर्कात आल्यामुळे तिला कोरोनाची बाधा झाल्याची शक्यता आहे.

धक्कादायक प्रकार म्हणजे, पुण्यात याआधी (2 एप्रिल) एका 50 वर्षीय कोरोनाबाधित महिलेचा उपचारादरम्यान मृत्यू झाला होता. त्या महिलेनेही कोणताही परदेशी प्रवास केला नव्हता. तर 30 मार्चला पुण्यात 52 वर्षीय ‘कोरोना’ग्रस्त व्यक्तीचा मृत्यू झाला होता.

कोरोनामुळे महाराष्ट्रात कुठे किती मृत्यू?

1. मुंबई – 64 वर्षीय वृद्धाचा मृत्यू – 17 मार्च

2. मुंबई – 63 वर्षीय वृद्धाचा मृत्यू – 22 मार्च

मुंबई – फिलिपाईन्सच्या 68 वर्षीय वृद्धाचा मृत्यू- 23 मार्च (कोरोना निगेटिव्ह, मृत्यूचं कारण अन्य)

3. मुंबई – 65 वर्षीय वृद्धाचा मृत्यू – 23 मार्च

4. मुंबई – एकाचा मृत्यू -25 मार्च

5. नवी मुंबई – वाशीतील 65 वर्षीय महिलेचा मृत्यू- 26 मार्च

6. मुंबई – 63 वर्षीय महिलेचा मृत्यू- 26 मार्च

7. बुलडाणा – 45 वर्षीय पुरुषाचा मृत्यू – 28 मार्च

8. मुंबई – 40 वर्षीय महिलेचा मृत्यू – 28 मार्च

9. पुणे – 52 वर्षीय व्यक्तीचा मृत्यू – 30 मार्च

10. मुंबई – 80 वर्षीय व्यक्तीचा मृत्यू – 30 मार्च