टीम मंगळवेढा टाईम्स ।
मंगळवेढा शहरातील चोखामेळा चौक येथील आयसीआयसीआय बँकेसमोर एका तरुणावर प्राणघातक हल्ला करण्यात आला आहे.
ही घटना आज सकाळी 10.15 च्या सुमारास घडली आहे. आनंद शिवपुजे असे जखमी झालेल्या तरुणाचे नाव आहे.
याबाबत सविस्तर माहिती अशी की, यातील जखमी हा मूढवी या गावातील रहिवासी असून आरोपी याने मागील भांडणाचा राग मनात धरून कोयत्याने खुनी हल्ला केल्याचे दिसून येत आहे.
दरम्यान खुनी वार करताना जखमी तरुणाने बँकेत प्रवेश केला व आरोपीला रोखून धरले होते. पोलिसांनी घटनास्थळी लागलीच धाव घेतली व आरोपीला ताब्यात घेतले आहे.
घटनास्थळी उपविभागीय पोलिस अधिकारी राजश्री पाटील, पोलीस निरीक्षक बापू पिंगळे, हवालदार सुनील गायकवाड, तुकाराम कोळी, दत्तात्रय येलपले आदीजणांनी भेट दिली. गुन्हा दाखल करण्याची प्रक्रिया मंगळवेढा पोलीस ठाण्यात सुरू आहे.
उपविभागीय कार्यालयातील पोलीस कर्मचारी हवालदार सुनील गायकवाड, तुकाराम कोळी, दत्तात्रय येलपले, जमीर मुजावर, तांबोळी व बँकेतील सुरक्षारक्षक दत्तात्रय गोडसे यांच्या तत्परतेमुळे मोठा अनर्थ टळला आहे.
ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
