टीम मंगळवेढा टाईम्स ।
इस्त्राईल व दुबई येथील नवीन तंत्रज्ञानावर आधारित शेती दूध, मत्स्य शेती या अभ्यास दौऱ्यासाठी पंढरपूर-मंगळवेढ्याचे आमदार समाधान आवताडे यांची निवड झाली आहे.
हा दौरा दि.१७ ते २५ सप्टेंबर दरम्यान होणार असून महाराष्ट्र शासनाकडूनाकडून आ.आवताडे यांची निवड झाली. या दौऱ्यामध्ये त्यांच्यासोबत इतर सात आमदारांचा सहभाग असणार आहे
त्यामध्ये इस्राईलमधील एस. सी.आर या मोठ्या डेअरीला भेट देऊन त्या डेअरीचे व्यवस्थापन अनुभवण्यास मिळणार आहे. याशिवाय जगामध्ये सर्वात जास्त दूध देणाऱ्या गाई इस्राईलमध्येच विकसित झाल्या.
त्याशिवाय डेअरी, आधुनिक तंत्रज्ञानाने विकसित केलेली शेती शेतीला जोडधंदा म्हणून असलेली मत्स्य शेती, शुगर रिफायनरी, पाण्याचा पुनर्वापर आदी ठिकाणी भेट देऊन इस्राईलच्या संसदेलाही भेट या दौऱ्यात देणार आहेत.
मंगळवेढा तालुका हा दुष्काळी तालुका मानला जातो. त्यामुळे दुष्काळी तालुक्यातील शेती टिकवण्यासाठी वेगवेगळ्या फळ उत्पादनातून शेतीतून उत्पन्न वाढवण्यासाठी कमी पाण्यावर ठिबक सिंचनच्या माध्यमातून शेतीची व्यवस्थापन कसे करावे
व शेतीला शेततळ्यातून मत्सशेतीतून रोजगार उपलब्ध होऊ शकतो आणि तालुक्यामध्ये अलीकडच्या काळामध्ये शेतीला जोडधंदा म्हणून दूध व्यवसाय देखील मोठ्या प्रमाणात वाढीस लागला.
कोरोनामुळे पुणे, मुंबई या ठिकाणचे उद्योगधंदे बंद पडल्यामुळे या ठिकाणी बेरोजगार झालेल्या तरुणांनी रोजगारासाठी पर्याय निवडला.
परंतु या व्यवसायामध्ये नवनवीन तंत्रज्ञान विकसित करण्यासाठी शासनाच्या वेगवेगळ्या योजना कृषी खात्याच्या माध्यमातून शेतकऱ्यांसमोर ठेवल्या,
पण माहितीचा आणि अंमलबजावणीचा अभाव असल्याने त्याचा शेतकऱ्याला प्रत्यक्ष लाभ होत नाही.
म्हणून आमदार आवताडे यांच्या अभ्यास दौऱ्यातून तालुक्याला त्याचा लाभ होऊ शकतो. त्यामुळे हा अभ्यास दौरा तालुक्याबरोबर आमदार आवताडे यांच्यासाठी महत्त्वाचा ठरणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
