टीम मंगळवेढा टाईम्स ।
सोलापूर जिल्हा मध्यवर्ती बँकेचे माजी उपाध्यक्ष बबनराव आवताडे यांनी दामाजी कारखाना निवडणुकीत आपले वजन आ.समाधान आवताडे यांच्या पारड्यात टाकले असून यामुळे आ.समाधान आवताडे यांचे बळ वाढणार आहे.
सहकार क्षेत्रात विशेष दबदबा असणाऱ्या जिल्हा मध्यवर्ती बँकेचे माजी उपाध्यक्ष बबनराव आवताडे यांची पोटनिवडणुकीनंतर राष्ट्रवादी व भालके गटाबरोबर जवळीकता वाढली होती.
त्यामुळे तालुक्याच्या राजकारणात आ.आवताडे विरोधात भालके व आवताडे एकत्र येत आव्हान उभे केले होते.
दामाजी कारखाना, नगरपालिका, जिल्हा परिषद पंचायत समिती विविध सोसायटी यामध्ये निवडणुकीचे नियोजन सुरू होते. दामाजी कारखाण्याची निवडणूक लागल्यानंतर देखील त्यांनी एकत्रित दाखल केले होते.
परंतु, जागावाटप करतेवेळी समाधान कारक तोडगा न निघाल्याने बबनराव आवताडे यांनी स्वतासह समर्थकांचे अर्ज माघार घेत संस्था मतदार संघातून सिद्धेश्वर आवताडे यांचा अर्ज ठेवला व त्यानंतर काही दिवस बबनराव आवताडे यांनी शांत राहणे पसंत केले.
अर्ज माघार घेतेवेळी समविचारी आघाडीबरोबर परिचारक गटाची युती झाल्याने निवडणुकीचे चित्र वेगळे झाले. त्यामुळे समविचारी विरोधात आ.आवताडे अशी दुरंगी लढत लागली.
त्यावेळी बबनराव आवताडे यांना समविचारी आघाडीने योग्य न्याय न दिल्याने थांबा व पहा धोरण राबवले होते.
गेल्या आठ दिवसात आवताडे यांनी समर्थकांशी चर्चा करून जवळ राहून दगा देणाऱ्या सोबत जाण्याचे टाळत आ.समाधान आवताडे यांच्या पॅनलला आपला पाठिंबा जाहीर केला व आ.समाधान आवताडे यांच्या प्रचार सांगता सभेत व्यासपीठावर दाखल झाले.
त्यामुळे गेली आठ दिवस नेमके काय करायचे या संभ्रमात असलेल्या कार्यकर्त्यांचा मार्ग मोकळा झाला, गेल्या काही दिवसापासून
आ.समाधान आवताडे व बबनराव आवताडे यांच्यातील दुरावा या मनोमिलनाने संपला आहे.चुलते बबनराव आवताडे यांच्या राजकीय शक्तीचा आ.समाधान आवताडे यांना फायदा होणार आहे.(स्रोत:पुण्यनगरी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
