टीम मंगळवेढा टाईम्स :
मंगळवेढा-चडचण रोडवर कागस्ट फाट्याजवळ झालेल्या भीषण अपघात प्रकरणात आरोपी टेम्पो चालकाची दि.20 मार्च 2026रोजी मे.प्रथम वर्ग न्यायदंडाधिकारी पाटील यांनी निर्दोष मुक्तता केली आहे.
या खटल्यात बचाव पक्षातर्फे ॲड. ओंकार भुसे यांनी केलेला प्रभावी युक्तिवाद न्यायालयाने ग्राह्य धरला.
नेमके प्रकरण काय होते?
९ मार्च २०१७ रोजी सायंकाळच्या सुमारास मंगळवेढा ते चडचण रोडवर एका टेम्पो आणि मोटारसायकलचा भीषण अपघात झाला होता.
या अपघातात मोटारसायकलवरील दोन जणांचा दुर्दैवी मृत्यू झाला होता. याप्रकरणी मंगळवेढा पोलीस ठाण्यात टेम्पो चालक भानुदास पांडुरंग माने (रा. डोरली, ता. जत) याच्या विरुद्ध भादंवि कलम २७९, ३०४(अ), ३३७, ३३८, ४२७ व मोटार वाहन कायद्यानुसार गुन्हा दाखल करण्यात आला होता.
न्यायालयातील युक्तिवाद
सदर खटल्याची सुनावणी मंगळवेढा न्यायालयात पार पडली. खटल्यादरम्यान बचाव पक्षाचे वकील ॲड. ओंकार भुसे यांनी महत्त्वपूर्ण कायदेशीर मुद्दे उपस्थित केले.
त्यांनी आपल्या युक्तिवादात मांडले की:
अपघाताच्या वेळी टेम्पो चालकाची चूक असल्याचे सिद्ध करण्यासाठी ठोस पुरावे उपलब्ध नाहीत.
प्रत्यक्षदर्शी साक्षीदारांच्या जबाबातील विसंगती आणि तांत्रिक बाबींकडे त्यांनी न्यायालयाचे लक्ष वेधले.
हा केवळ एक दुर्दैवी अपघात असून त्यासाठी चालकाला दोषी धरता येणार नाही, हे त्यांनी पुराव्यानिशी स्पष्ट केले.
न्यायालयाचा निकाल
दोन्ही बाजूंचा युक्तिवाद ऐकल्यानंतर आणि कागदपत्रांची पडताळणी केल्यानंतर, न्यायालयाने ॲड. ओंकार भुसे यांचा युक्तिवाद ग्राह्य धरला.
सरकार पक्ष आरोपीविरुद्धचा गुन्हा सिद्ध करण्यात अपयशी ठरल्याचा ठपका ठेवत, न्यायालयाने आरोपी भानुदास माने यांची या गुन्ह्यातून ससन्मान निर्दोष मुक्तता केली.
या निकालामुळे कायदेशीर वर्तुळात ॲड.ओंकार रामेश्वर भुसे यांच्या कौशल्याचे कौतुक होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
