आमदार अभिजीत पाटील हातात बंदूक घेऊन सीमेवर जाण्यास तयार; तरुणांची मोठी फौज संघटीत करण्यास सुरुवात; महाराष्ट्रातल्या तरुणाईला देशाची सेवा करण्याची संधी

मंगळवेढा टाईम्स न्युज नेटवर्क। 

भारत पाकिस्तान युद्धजन्य परिस्थितीमध्ये भारतीय सेनेला बॅकअप फोर्स पुरवण्यासाठी शरद पवारांचा चेला सज्ज झाला आहे. तरुणांची मोठी फौज संघटीत करण्यास सुरुवात केली आहे.

माढा विधानसभा मतदारसंघाचे शरद पवार गटाचे तरुण आमदार अभिजीत पाटील यांनी सध्या भारत पाकिस्तान युद्धाच्या पार्श्वभूमीवर सोलापूर जिल्ह्यातून तरुणांची फौज बनवण्याचे काम हाती घेतले आहे. हे छत्रपतींचे मावळे भारतीय सैन्य दलाला सर्व प्रकारची बॅकअप रसद पुरवतील असे पाटील यांनी सांगितले.

सैन्य दलाला लागणारी कोणत्याही प्रकारची मदत आम्ही तरुण पुरवणार

सैन्य दलाला लागणारे अन्नधान्य रक्त किंवा कोणत्याही प्रकारची मदत आम्ही तरुण पुरवणार असून सरकारने आमच्या हातात हत्यार दिल्यास सीमेवर जाऊन लढण्याची आमची तयारी असल्याचे आमदार अभिजीत पाटील यांनी सांगितले.

आम्ही छत्रपतींचे मावळे असून आज देशाला आणि सैन्याला तरुणाची गरज असताना आम्ही त्यासाठी सज्ज आहोत असेही त्यांनी सांगितले. यासाठी अनेक तरुण आमच्यासोबत एकत्र येत असल्याचे आमदार पाटील यांनी सांगितले.

ज्या पद्धतीने वारंवार पाकिस्तानकडून आपल्या बांधवांवर दहशतवादी हल्ले होतात याचा कायमचा बिमोड करायची वेळ आता आली आहे. यासाठी सर्व तरुणाई उत्सुक असल्याचे आमदार पाटील यांनी सांगितले.

राज्यभरातील हजारो लाखो तरुण देशासाठी लढायला तयार

सध्या सोलापूर जिल्ह्यातील तरुणांना एकत्रित करण्यास सुरुवात केली असून या मोहिमेत राज्यभरातील हजारो लाखो तरुण देशासाठी लढायला पुढे येतील असा विश्वास अभिजीत पाटील यांनी व्यक्त केला.

आम्ही यासाठी शासनाला साकडे घालणार असून महाराष्ट्रातल्या तरुणाईला देशाची सेवा करण्याची संधी मिळावी यासाठी प्रयत्नशील असल्याचेही आमदार पाटील यांनी सांगितले.

भारताने जर पाकिस्तानविरुद्ध पूर्ण क्षमतेनं युद्ध सुरु केले तर शेजारी देशाला शरणागती पत्करण्याशिवाय पर्याय राहणार नाही. अशा परिस्थितीत, भारतीय सैन्याची रणनीती सध्या पाकिस्तानसाठी येणाऱ्या वादळासारखी आहे.

पाकिस्तानी सैन्य सध्या दारुगोळ्याच्या तीव्र टंचाईचा सामना करत आहे, ज्यामुळे त्यांची लढाऊ क्षमता फक्त चार दिवसांपर्यंत मर्यादित आहे. एएनआयच्या वृत्तानुसार, पाकिस्तानच्या तोफखान्यातील दारुगोळ्याचा साठा इतका कमी झाला आहे की ते केवळ 96 तासच युद्ध करू शकतात.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज